Det er nemleg berre for pakkar sende 16. desember at Posten tør garantere at vil kome fram før julekvelden. Hektisk aktivitet i desember gjer at postkontora treng ekstra god tid når det gjeld julegåver.
– Vi merkar trykket no, absolutt. Vi går nok inn i den aller mest hektiske tida no. Vi ber kundane om å vere ute i god tid nettopp fordi ein skal vere trygg på at pakkane skal ha kome fram, seier Geir Gjelsten som er dagleg leiar ved postkontoret i Ålesund.
– Er folk flinke til å overhalde fristen?
– Ja, eg synest vi har hatt ei fin auke. Dei siste åra har mange begynt å sende pakkar veldig tidleg i desember. Det merkar også kundane våre, at dei aller fleste sendingane kjem fram til julaftan, seier han.
- Les også:
Framleis håp
Dei fleste stader går posten klokka 17, men for dei som ikkje skulle nå fram til postkontoret innan dette klokkeslettet er det framleis håp seinare datoar.
– Det er det. Det er framleis mogleg, men kanskje ein må ta i bruk dyrare framsendingskategoriar som til dømes "ekspress over natt" om ein leverer inn seinare.
– Men vi kan ikkje garantere at det kjem fram til julaftan om pakkane kjem inn seinare enn 16. desember, avsluttar han.
Før helga sleit Posten i Møre og Romsdal med omfattande datatrøbbel etter ekstremvêret Ivar, men dette vart ordna i løpet av helga.
- Les også: