– Eg har valt å ikkje bestille frå utanlandske nettbutikkar fordi eg ikkje har skjønt det, seier Line Andrea Lundin.
Frå 1. januar i år blei det innført meirverdiavgift og toll på alle varer frå utlandet. Tidlegare slapp ein å betale denne avgifta på varer under 350 kroner.
Endringane i regelverket har vore litt forvirrande, synest Lundin.
Ho hadde tenkt til å kjøpe noko for ei stund tilbake, men så blei ho usikker.
– Eg tenkte at eg orkar ikkje noko styr. Viss det plutseleg blir noko ekstra som eg ikkje veit om, seier ho.
Men nye reglar har ikkje ført til at nordmenn handlar mindre frå utanlandske nettbutikkar.
- Nordmenn handlar mykje i fysiske butikkar i Sverige. Det var rekordomsetning i fjor, trass i auka prisar.
Slik fungerer reglane
– Vi ser jo at det er ein auke. Det er mykje tekstil og sjølvsagt mykje klede som kjem, seier avdelingsdirektør i Tolletaten Åge Skår.
Han forklarer at det er viktig å skilje mellom desse moms-reglane:
- Handlar du frå ein utanlandsk nettbutikk som er registrert i det som blir kalla VOEC-registeret, betaler ein moms direkte til nettbutikken.
- Handlar du frå nettbutikkar som ikkje er registrerte i dette systemet, betaler du moms og toll når vara kjem inn til Noreg.
Men nokon har opplevd å betale to gonger.
– Vi har ein del tilfelle der det er såkalla dobbel fortolling. Altså ein både har blitt belasta av momsen ved kjøp gjennom VOEC-ordninga, og så blir det kravd inn moms ved innførsel i tillegg, seier Skår.
– Det er jo uheldig, og det betyr litt ekstra arbeid for den som har bestilt vara. Tolletaten og Skatteetaten jobbar med å bidra til at sendingane blir merka betre av avsendar av pakken, seier Skår.
Har du opplevd dette må du ta kontakt med nettbutikken for å få refundert pengane, ifølge Skatteetaten. Du kan også sjekke kva nettbutikkar som har VOEC-ordning her.
Sveip her for nokre raske punkt om reglane:
Handlar ein frå ei nettside der moms blir betalt som ein del av prisen, kan ein spare pengar.
– Viss ein handlar frå aktør som ikkje er VOEC-registrert, så må ein jo betale momsen ved innførsel, og så må ein i tillegg betale fortollingsgebyr til aktøren, seier Skår.
Du må altså betale for at nokon skal gjere fortollingsjobben.
Merkar pakkane feil
Posten Bring ser også ein auke i pakkar som kjem frå netthandel i utlandet.
– Vi har, som forventa, hatt ein stor auke i fortollingsvolumet etter nyttår. Det har vore ein auke på rundt 4–6 gonger vanleg fortollingsvolum, seier Kenneth Tjønndal Pettersen, kommunikasjonssjef i Posten Bring.
Han forklarer at også dei har fått fleire spørsmål knytt til dobbel fortolling.
Årsaka til at dette skjer er feil merking av pakkane.
– Det kjem inn store volum med pakkar frå utlandet og dessverre er det for mange av desse pakkane som er merkte feil frå utanlandske nettbutikkar. Da blir dei fortolla på nytt ved framkomst.
Meiner nettbutikkar må opplyse kundar
Søstera Helena Lundin har handla ein del på nett, men ho har også vore forvirra.
Dei meiner nettbutikkar burde opplyse meir om reglane og kor stor kostnaden for toll og moms er.
– Det står ingenting om det der du handlar, seier Helena.
- Visste du at det er ulovleg å ta med heilkvit snus frå Sverige? Blir du stansa på grensa ventar melding og bøter.