Ålesundaren Simon Flem Devold døde onsdag, melder Sunnmørsposten som har fått dette bekrefta av familien hans.
– Han var kanskje eitt av dei mest kreative menneska eg har kjent. Han var veldig allsidig, han var multikunstnar, seier Roger Engvik som har jobba saman med Devold i Sunnmørsposten.
– Han kunne ha ein ganske krass penn, og han stod ofte på ungdommane sine krav, seier han.
LES OGSÅ:
Saka held fram under videoen.
Profilert journalist
Simon Flem Devold var ein profilert journalist som starta den skrivande karrieren sin i Sunnmørsposten, og i 28 år var han redaktør av spalta «På skråss» i Aftenposten.
Han medverka også til ei rekke radio- og TV-program, og jobba også i NRK der han hadde programmet «Bare spør» kvar veke, der barn ringde inn og stilte spørsmål.
Simon Flem Devold skreiv ei rekke bøker, og i 1973 debuterte han med boka «Gutta og jeg», og boka «Morten 11 år» er oversett til mange språk.
Devold spelte også klarinett i Simon Flem Devolds kvartett som er ei av Noreg sine mest kjente jazzgrupper på 1950-talet.
Simon Flem Devold var også kunstnar, og då han hadde utstilling i heimbyen i 2009 vart bileta rivne bort på under ein time.
LES OGSÅ:
Saka held fram under videoen.
Fekk mange prisar
Simon Flem Devold fekk Kongens Fortjenstemedalje i gull i 2002, og var den som tok initiativ til «Barn av jordas pris». Han har sjølv fått mange prisar.
Mellom anna Simon Flem Devold fått Hirschfelprisen i 1965, Paul Robesonprisen i 1988, Brobyggerprisen i 1996, Brummprisen i 1996, Wandaprisen i 1998.
Han fekk Tulipanprisen i år 2000, Åpenhetsprisen i 2006, Barnehelseprisen i 2011, UNICEF Norges ærespris i 2009.
Simon Flem Devold vart også kåra til Årets namn av Dagbladet i 1984, og i 1985 kåra Se og Hør han til Årets TV-namn.
SJÅ OGSÅ: Simon Flem Devold i Da Capo! i 1992
SJÅ OGSÅ: Simon Flem Devold snakkar med Titten Tei
Tok barn på alvor
Fritt Ords Honnør fekk Simon Flem Devold i 2012. I grunngjevinga skreiv juryen at Devold «har vore uredd i si behandling av vanskelege og kontroversielle tema, enten det har dreia seg om sjukdom og død i ung alder, homofili, psykiske problem hos barn eller konsekvensar av vaksne sine skilsmisser».
Psykolog Magne Raundalen kallar Devold «empatiens far», og seier han var banebrytande når det gjeld å ta barn på alvor.
– Barn som skreiv til «På skråss» det første året, er kanskje i ferd med å bli besteforeldre no. Og dei som hugsar korleis det var å bli høyrt av ein vaksen som barn, tar det med seg til eigne barn, seier han til Aftenposten.
Devold blei født som Helge Flem Devold i Namsos i 1929. Tre år seinare flytta familien til Ålesund, der han vaks opp. Han bytta namn til Simon som 40-åring etter å ha blitt med i Subud-rørsla.
LES OGSÅ:
LES OGSÅ: