"På skråss"- Simon 80 år

Tysdag 17. mars var det 80 år sidan "På skråss"-generalen, journalisten og forfattaren Simon Flem Devold kom til verda. Han er kjend som ein habil jazzmusikar, som forkjempar for barns rettar og frå tv-skjermen.

Men fyrst og fremst er han "På skråss"-Simon; Mannen som har redigert barnas eiga spalte i Aftenpostens helgebilag. På sjølvaste fødselsdagen tok han turen innom Norgesglasset sitt studio, og fortalde frå eit langt liv.

Høyr Simon Flem Devold i samtale med Norgesglasset: Simon Flem Devold 80 år

For vondt

- Dei vanskelegaste sakane for meg har vore dei som ikkje kom på trykk. Det er mange brev som eg ikkje kunne trykke av omsyn til barna. Breva har rett og slett vore for vonde, seier Simon Flem Devold.

Heldigvis har han flest gode minner frå spalta som har vore lese av generasjonar kvar veke: - Dei aller fleste norske barn har det svært bra, og det har også vore tydeleg i breva. Mange skriv inn berre for å fortelja at dei er er så glade, seier Devold

Provoserande om skilsmisse

- Vi er ikkje gode nok på å seie til kvarandre at vi er glad i dei rundt oss. Særleg barn kan tvile på om forledra er "nok" glad i dei. Det burde dei få sleppe, meiner Devold, som slettes ikkje berre har møtt velvilje frå norske foreldre, som også har sendt brev. Sinte brev.

- Mine meiningar om at barn ofte lir under foreldras skilsmisse har vore vanskeleg å svelge for mange - også for forskerane. I ei periode av livet hadde eg svært mykje problem med norske forskarar, mimrar Simon Flem Devold.

Livsgnist

Kreftsjukdommen har teke hardt på Devold dei siste sju åra, og han legg ikkje skjul på at han ikkje har så lang tid att å leve. Til tross for det held han livsgnisten oppe og nyt dei dagane han har att. Dei deler han med kona, jobben i Aftenposten og gode vener.

- Eg har fått kjempegod hjelp av eit helsevesen som er så fantastisk at det nesten ikke er begripeleg. De gir meg ekstra tid å leve, og tid til å vere ekstra glad over alle gode ting som hender. I dag er det for eksempel sol og det er snart vår. Det gleder eg meg over nå, seier Simon Flem Devold.

Musikk kvar dag

- Musikken betyr utruleg mykje for meg. Eg høyrer lange strekk med god musikk kvar einaste dag, og det er medisin for sjel og legeme, seier Simon Flem Devold.

Han er kjend som ein habil jazzmusikar med klarinetten som hovedinstrument. Flem Devold har mellom anna spela med Marit Carlsen og Tord Gustavsen, og vore ansvarleg for S.F.D. Kvartett. Han står også bak hjelpefondet "Barn av jordens pris". I 2002 fekk han Kongens fortjenestemedalje i gull.

Send di helsing til Simon: