Ørsta kommune

Høgt oppe på åpenhetsbarometeret

Både Volda og Ørsta kommer høgt oppe på åpenhetsbarometeret for 2023. De kommer på en delt andreplass sammen med Farsund i Agder, Kinn i Vestland og Harstad og Tana i Troms og Finnmark. Det melder Kommunal Rapport.

Barometeret sjekker om og hvordan norske kommuner legger til rette for åpenhet i kommunene, og hvordan dette etterleves i praksis.

Kommunal Rapport og Pressens offentlighetsutvalg (POU) står bak åpenhetsbarometeret som bant annet registrerer hvor lang tid kommunene brukte på å besvare et innsynskrav.

Klagar til Helsetilsynet

Sjukeheimslegen som fekk kritikk etter dødsfallet til ein avmagra, psykisk sjuk mann i Ørsta, klagar til Helsetilsynet. Ho hevdar Statsforvaltaren i Møre og Romsdal har ignorert dokumenterte opplysningar og basert kritikken på oppspinn.

Ho ber Helsetilsynet gå gjennom saka på nytt.

Både kommunen og sjukeheimslegen fekk kritikk etter dødsfallet og Statsforvaltaren konkluderte med at mannen ikkje fekk forsvarleg helsehjelp.

Opnar tilsynssak mot lege

Statsforvaltaren har opna tilsynssak mot ein lege i samband med at ein mann i Ørsta blei funnen avmagra og død. Det skriv Sunnmørsposten.

NRK har tidlegare skrive om familien til den avdøde mannen som har vore kritisk til hjelpa han fekk. Statsforvaltaren har frå før av opna eit tilsyn mot Ørsta kommune. Dette for å få svar på korleis kommunen vurderte hjelpebehova til mannen.

No skriv avisa at det også er opna tilsyn mot ein lege som på eit tidspunkt hadde mannen som pasient og vurdert han som samtykkekompetent.

Slår alarm om endå ei sak i Ørsta

Ein tilsett i Ørsta stiller spørsmål ved om kommunen har gjort nok for å hjelpe endå ein brukar. Ifølgje eit varsel til Statsforvaltaren framstår bustaden til vedkomande som ubebueleg som følgje av utfordringar med mat, rus og reinhald.

NRK har nyleg avdekt at kommunen braut lova ved å legge medisin på dørmatta til ei sjuk kvinne.

Kommunen er også under gransking etter at ein mann døydde sterkt avmagra.

Også i desse sakene er det stilt spørsmål om kommunen si vurdering av samtykkekompetanse.

Formannskapet orientert om tilsynssak

Formannskapet som klageutval fekk i går orientering om saka der tilsette la medisinen på dørmatta til ei psykisk sjuk kvinne i Ørsta. NRK har avdekt både denne saka og ei sak der ein mann truleg svalt i hel i Ørsta. Det var etter dette Frp bad om ei orientering.

– Vi har fått eit par vanskelege saker som vi har blitt kjend med i ettertid, og det tar vi på det største alvor, seier ordførar Stein Aam (Sp).

Ifølgje Aam gjer dei no tiltak. Det er utarbeida ein handlingsplan, og evaluering skal ligge føre i april 2023. Statsforvaltaren har konkludert med at Ørsta kommune braut lova i saka om kvinna. Saka om mannen som blei funnen død og avmagra er framleis under behandling.