Søndag døydde Nikoline Myren Grønning, betre kjent som Nikka. Ho rakk å bli nesten 107 år gammal.
Med den store livsgleda og det gode humøret vart ho eit førebilete for mange. I fjor fekk ho fortenestemedaljen til kongen for den årelange innsatsen sin for å ta vare på Noregs nasjonale bakearv og mattradisjon.
Nikka vart ikkje berre kjent i Noreg. Grønning vart også kjent ut i verda då TV-kokkane Hairy Bikers frå BBC laga program om henne.
I tillegg har ho fått ein eigen sving i Trollstigen kalla opp etter seg, fordi ho var anleggskokke då vegen vart bygd.
Æresgjest under opninga av Nasjonal turistveg Trollstigen-Geiranger, var snart 96 år gamle Nikka Grønning frå Valldal. Ho var anleggskokke då vegen over Trollstigen vart ferdigstilt i 1936.
Gjensyn frå Nikka-arkivet
Nikka laga mykje mat, og rømmegraut var ho glad i. Ho meinte feitt måtte til og at det kanskje var godt for å smørje ledda i kroppen.
Nikka Myren Grønning viser korleis ein skal lage rømmegraut på feitetysdag.
Nikka var også oppteken av å lære vidare tradisjonsmat. Mange tusen har opp gjennom åra vore på kurs heime på kjøkkenet hennar i Valldal. Etter kvart som ho vart kjent lærte ho resten av oss også å lage både sylteflesk og ripsbærsaft.
95 år gammal drog Nikka på førjulsmesse for å selje lokal bakkelse.
Mange av oss har funne årets julegåve på dei tusenvis av julemessene landet rundt, nokon har også sikra seg julekaker. La oss sjå korleis det gjekk med 95 år gamle Nikka i Valldal då ho drog på førjulsmesse for å selje lokal bakkelse. Stad: Valldal, Møre og Romsdal.
Nikka var heile livet oppteke av å jobbe og halde seg i aktivitet. Ho budde heime lenger enn dei fleste. Då Nikka var 97 år vart ho invitert til Trondheim for å inspirere forskarar og helsetoppar til å leggje til rette for at fleire eldre kan bu heime og vere ein ressurs.
Som ein person som var oppteken av å halde tradisjonar ved like stoppa ho også strømper.
I løpet av eit så langt liv blir det mange høve til å feire. NRK var til stades både då Nikka inviterte til 99 og 100-års dag.
Denne helga har stått i 100 år gamle Nikka Myren Grønning sitt teikn. Den driftige, livsglade dama frå Valldal som elskar å bake, har teke Noreg med storm gjennom mange reportasjar både på TV, nett og i radio.
Nikka syntest det var fantastisk å få bli så gammal. Under besøk i barnehagen til oldebarnet fortalde ho om gamle dagar og hadde sjølvsagt med seg flatbakkels.
Nikka inviterte frukostgjester heim til seg då ho var 103 år gammal.
Sissel Brunstad laga også ein dokumentar om Nikka. Den kan du sjå her.
Norsk dokumentar. Livsglede og verkelyst kjenner ingen alder. 96 år gamle Nikka Myren Grønning i Valldalen elskar livet og fyller dagane med mange ulike gjeremål. Nikka drygmeir om å leve til ho blir 110 år.
Her kan du lese alle sakene om Nikka:
