Karl Andre Birkhol er innstilt som ny kommunedirektør i Giske kommune. Innstillinga frå forhandlingsutvalet er einstemmig, og Birkhol får tilbod om jobben viss formannskap og kommunestyre sluttar seg til saka i neste veke. 53 år gamle Birkhol er i dag kommunedirektør i Fjord.
Fleire tilsette i Giske kommune har planar om å slutte på grunn av vanskelege arbeidsvilkår, skriv lokalavisa Øyblikk.
Verneomboda i kommunen har sendt eit brev til kommuneleiinga. Der blir det hevda at fleire av tenesteområda er på eit kritisk nivå når det gjeld bemanning, sjukmeldingar og andre følgjer av omleggingar i kommunen.
Ordførar Harry Valderhaug (bildet) seier til NRK at denne saka skal opp på eit møte - der kommuneleiinga skal lytte til innspela frå verneomboda. Formannskapet har allereie diskutert å auke ramma til omsorgssektoren - i lys av nye løyvingar gjennom revidert nasjonalbudsjett.
Kultur-, næring- og folkehelseutvalet løyver 1,75 millionar kroner til prosjekt utvikling av Gjøsund nasjonale fiskerihamn i Giske kommune. Det skriv Møre og Romsdal fylkeskommune i ei pressemelding.
Vedtaket var i tråd med fylkeskommunedirektøren si innstilling og blei samrøystes vedtatt.
Prosjektmidlane som no er løyvd blir finansiert av tiltaksfondet, og er avgrensa til 48,6 prosent av samla prosjektkostnad.
Dag Olav Tennfjord held fram som kommunedirektør i Giske kommune. Det skriv Sunnmørsposten. Tennfjord var innstilt som ny kommunedirektør i Lesja kommune, men blei nedstemt med ei stemme i kommunestyret. Tennfjord hadde ikkje sagt opp jobben i Giske og held difor fram i den.
Kommunedirektør i Giske, Dag Olav Tennfjord, sluttar i jobben. Han er innstilt som kommunedirektør i Lesja og har varsla at han kjem til å takke ja til stillinga. Det melder Giske kommune på sine heimesider. Tennfjord har vore kommunedirektør i Giske sidan september 2021.
