Amathea hadde ein auke på 29 prosent i talet på førespurnader det siste året. Dagleg leiar ved fylkeskontoret, Marianne Kjelsvik, meiner auken skuldast at tenesta er betre kjent enn tidlegare.
Til saman hadde fylkeskontoret i Møre og Romsdal 876 samtalar med gravide eller partneren i løpet av fjoråret. Dei aller fleste som tok kontakt var unge kvinner.
Amathea er ei privat stifting som blir driven med offentlege midlar. Her i fylket er stiftinga representert med kontor i Ålesund, Molde og Kristiansund.