Eirawater

Forlik mellom Romsdal Sparebank og Eirawater

Romsdal Sparebank og Eirawater AS har blitt einige om å vidareføre kundeforholdet til 31. mars 2024, før det blir automatisk avvikla. Den pågåande rettssaka blir dermed avslutta med eit forlik. Det skriv banken i ei pressemelding.

Eirawater gjekk til sak mot Romsdal Sparebank då banken ville avslutte kundeforholdet. I retten argumenterte banken med at dei frykta at pengane til Eirawater kunne kome frå kriminell verksemd. Selskapet sjølv meinte et dette var tull.

I fjor vann banken fram i Møre og Romsdal tingrett, men Eirawater anka dommen. Ankesaka skulle starte i april, men blei utsett. No har dei to partane kome til ei semje.

– Grunna Eirawater sin internasjonale vekst, er det behov for eit tilsvarande internasjonalt spekter av banktenester, og partane er einige i, at Romsdal Sparebank uansett ikkje er rett bankforbindelse for Eirawater, skriv banken i pressemeldinga.

Utover dette skriv Romsdal Sparebank at dei ikkje ønskjer å uttale seg om saka eller forliket. Heller ikkje Eirawater sin advokat Roger Sporsheim ønskjer å kommentere forliket.

Eirawater-ankesak utsett

Ankesaka mellom Romsdal Sparebank og Eirawater er utsett. Det seier banken sin advokat, Tor Henning Rustan Knudsen. Saka skulle etter planen starta måndag, men no blir det i staden mekling, seier han. Banken har fått medhald i tingretten i at dei kan sparke Eirawater som kunde, fordi det er tvil om opphavet til bedrifta sine pengar. Den nye kvitvaskingslova stiller strenge krav til norske bankar om kjennskap til kundane sine pengestraumar.

Bank frifunnen

Eirawater ankar

Eirawater ankar avgjerda som slår fast at Romsdal Sparebank kan stryke selskapet frå kundelista.

Det stadfestar advokat Roger Sporsheim.

Møre og Romsdal tingrett slår fast at banken kan kvitte seg med kunden fordi dei ikkje har svart klart på kvar pengane i selskapet stammar frå.

Hovudaksjonæren er ein milliardær frå Saudi-Arabia, og banken fryktar at pengane kjem frå terrorfinansiering og kvitvasking.

Sporsheim seier avgjerda byggjer på feil rettsforståing.

Hevdar rett til å kaste ut Eirawater

Romsdal Sparebank meiner dei er i sin fulle rett til å kaste ut Eirawater som kunde. Banken meiner Eirawater ikkje har har skaffa god nok dokumentasjon på kvar pengane frå hovudaksjonæren kjem frå.
Banken sin advokat, Tor Henning Rustan Knudsen, sa i sin avslutningsprosedyre torsdag at Eirawater er ein profesjonell aktør og burde klart å skaffe informasjonen har etterspurt.