Dagsenteret ligg på Haugneset i Sykkylven. Der får mange gamle eit aktivitetstilbod. Også andre med ulike fysiske, psykiske og sosiale funksjonsnivå kan kome til senteret for å vere med på ulike aktivitetar og for å treffe andre.
Jenny Langhaug kunne tenkje seg å få sagt frå til Siv Jensen at Dagsenteret treng meir pengar.
Foto: Brede Røsjø / NRK
Anita Strømme er leiar ved Dagsenteret. Ho fortel om fortvilte brukarar.
Foto: Brede Røsjø / NRK
Jenny Tusvik meiner kommunen heller burde ha spart pengane andre stader.
Foto: Brede Røsjø / NRK
Petter Lyshol er ordførar i Sykkylven.
Foto: Brede Røsjø / NRK- Les også:
Vedtaket er endeleg
Men no er det slutt. Kommunestyret har vedteke å leggje ned senteret.
– For meg betyr det nesten alt å kunne kome hit. Eg er veldig mykje åleine, sjølv om eg har godt selskap i hunden min, seier Johanne Langhaug til NRK.
- Les også:
- Les også:
– Veit ikkje kva eg skal svare
På Dagsenteret er det også kafe. Men den har vore stengd lenge. Men i lokala er det stor aktivitet av ymse slag. Etter ferien tek desse aktivitetane slutt.
– Dei står her med tårene i augene og spør kva dei skal gjere no. Og eg står der og veit nesten ikkje kva eg skal svare, seier leiar Anita Strømme.
- Les også:
– Spar på andre ting
Det er under arbeidet med å få eit budsjett i balanse at aktivitetane ved Dagsenteret er strokne. Her skal det sparast 4,5 millionar kroner i året. Og ei og ei halv stilling ved Dagsenteret skal vekk.
– Dei kunne vel spare på noko som var meir unyttig. I det lange løpet hadde dét vore betre, seier Jenny Tusvik.
Ikkje lovpålagd teneste
Men i kommunen tenkjer dei annleis. Der går skiljet ikkje først og fremt mellom nyttig og unyttig, men mellom kva som er lovpålagt og ikkje lovpålagt.
– Dagsenteret er ikkje ei lovpålagd teneste. Det ville gå ut over dei lovpålagde tenestene om vi skulle oppretthalde drifta ved Dagsenteret, seier ordførar Petter Lyshol til NRK.
– Må snu på Siv Jensen
Bebuarane understrekar at aktivitetane ved Dagsenteret er helsebringande og dei vil kjempe for tilbodet sitt.
– Eg trur eg må reise til Oslo og snu opp ned på finansminister Siv Jensen, slik at vi får meir pengar til drifta, seier Johanne Langhaug til NRK.
