– Me ser at det er eit behov for å styrke det me kallar indre korridor, seier ordførar Jan Ove Tryggestad i Stranda kommune.
Med det meiner han strekninga som går frå Grodås i Hornindal kommune, til Sjøholt i Ørskog kommune.
Trur valet får konsekvensar
– Så veit me at kampen for kvar vegen skal krysse Nordfjorden er knallhard for tida, seier Tryggestad.
- LES OGSÅ:
Bak brevet til samferdsdepartementet og samferdselsminister Ketil Solvik-Olsen står kommunane Skodje, Stordal, Ørskog, Stranda, Sykkylven, Norddal, Stryn og Hornindal.
– Eg trur vegvalet vil ha svært store konsekvensar for samhandlinga mellom nord og sør i regionen. Dette alternativet, kombinert med Kvivsvegen som knyter aust og vest, vil gjere at dette alternativet er midt i blinken i dette spørsmålet, seier Tryggestad.
– Presisering av synspunkt
Kommunane som no krev indre trasé har 30.121 innbyggjarar skriv dei i brevet. Dei viser også til at mykje trafikk frå Bergen til Trondheim går om denne regionen i dag.
- LES OGSÅ:
Tryggestad er klar over at kampen er hard for å avgjere kvar vegen skal gå, og seier det er difor dei no går ut med dette.
– Me vil no synleggjere at me går for ei indre løysing. Det har me uttalt tidlegare i høyringa, så dette er ei presisering, og ei skjerping av frontane, seier Tryggestad.
Siste mobilisering
Utspelet frå dei åtte kommunane kan også oppfattast som ei siste avgjerande mobilisering i striden om trasévalet for ein ferjefri E39.
– Det er det også, og me ser at det skjer på begge sider av dette spørsmålet. Me ser at det er viktig at me her kjenner vår besøkstid, seier Stranda-ordføraren.
- LES OGSÅ: