Fleire personar er arresterte i ei sak som er under opprulling i Ørsta. Det handlar om produksjon av narkotika. Dei arresterte blir framstilte for varetektsfengsling laurdag.
Fengslingsmøtet er i Ålesund tinghus sitt lokale klokka 13. Som sakstema står grovt narkotikalovbrot.
Politiet seier til NRK at endå fleire personar skal bli arresterte, men at desse har gjort seg utilgjengelege etter at saka vart kjent.
Prøvar å spore dei opp
Laurdag arbeider politiet med å prøve å spore opp og arrestere desse folka.
Politiet er svært tilbakehaldne med å gå ut med opplysningar i saka. Dermed veit vi ikkje kor stort omfang denne saka har.
Klokka 12 laurdag uttalte politiet at dei ikkje vil gi meir informasjon om saka no.
Operasjonsleiar Roar Fylling i Møre og Romsdal politidistrikt sa fredag til NRK at det er gjort beslag i saka.