Tusenvis av meksikanarar bruker sosiale medium for å varsle om rørslene til rørslene til narkotikamafiaen.
– Før refererte narkobloggen til avisene, no refererer avisene til narkobloggen, fortel den meksikanske journalisten Ismain Mandujano.
Narkotikakrigen i Mexico har ført til stengde mediehus og sjølvsensur, men no har narkotikamafiaen fått nye fiendar, nemleg twitrarar og bloggarar.
- LES ÒG:
- LES ÒG:
Rapporterer på Twitter
Tidlegare i år starta nokre studentar opp narkobloggen
, som rapporterer om Narkokrigen- fra begge sider. Her kan ein anonymt leggje ut informasjon, bilete og videosnuttar.For medan journalister vert drepne eller pressa til sjølvsensur, har rapportering om narkotraffikken på sosiale medier blømt opp.
Ei stadig meir offensiv og lovlaus krigføring har ført til fleire og fleire sivile offer, og mange meksikanarar lever i konstant frykt. Narkokrigen har kosta over 28.000 menneskeliv dei siste fire åra.
- LES ÒG:
Varslingsteneste for skotvekslingar
Mange meksikanarar lever med daglege skotsalvar i nærmiljøet. Dei modigaste filmar skyteepisodane bak ei gardin, og legg dei ut på nettet.
Og medan vi her heime sjekkar gradestokken, sjekkar meksikanarane twitter og facebook før dei går ut døra.
– Dei sosiale media har vorte meksikanarane sitt varslingssystem for å unngå å hamne midt oppi skotvekslingar, eller snuble over lik, seier Ismain Mandujano.
I hamnebyen Tampico twittrar den lokale servicetenesta "infotampico" til dømes om dei døde kroppane som heng frå brua, og spør om nokon veit noko om denne hendinga.
Kan ikkje erstatte journalistikk
Problemet med desse tenestene er at ein kan ikkje vite sikkert kva for nokre som er truverdige og ikkje.
– Det er vanskeleg å vite kva ein skal stole på og ikkje. Men det er svært mange som bruker dette for å orientere seg, Roy Krøvel, foreleser ved Journalisthøyskolen, og Mexicokjenner.
Trass i at desse narkobloggane på mange måtar er eit nyttig verktøy, kan dei ikkje ta over rolla til media i Mexico, meiner Krøvel.
– For å få systematisk overblikk kan dei ikkje erstatte journalistikken, seier Krøvel.
Narkokartella bruker også nettet
Men sosiale medium og narkobloggar vert også brukt av mafiaen sjølv. Narkotika-kartella som er kjende for leggje igjen beskjedar i form av blodig skrift på veggen, eller hovudlause kroppar.
No har dei i tillegg teke i bruk groteske videobloggar og trugslar på sosiale medium for å spreie frykt i samfunnet.
- LES ÒG: