Hopp til innhold

Tuva Fellman har fått brystkreft

Programleiar Tuva Fellman har fått brystkreft under svangerskapet og er i behandling.

Tuva Fellman - Sommer i P2

KREFT: Programleiar Tuva Fellman har fått påvist brystkreft under svangerskapet.

Foto: Robert Rønning / Robert Rønning / NRK

– I vårt vesle hus har det i det siste gått opp og ned, skriv ekteparet og medieprofilane Tuva Fellman og Ronny Brede Aase i eit innlegg på Instagram.

– Opp, fordi me ventar spent på vårt andre barn. Ned, fordi Tuva har fått påvist brystkreft i løpet av svangerskapet og er i behandling.

VG omtala saka først.

I august skreiv avisa at Fellman fekk påvist forstadium til brystkreft i mai 2021. Ho måtte som følge fjerna det eine brystet.

Mykje på ei gong

I innlegget skriv ekteparet at det er mykje som skjer på ein gong.

– Men me har heldigvis kvarandre, nydelege folk rundt oss og eit heilt fantastisk helsevesen.

Skjermdump av Instagram-innlegg frå Tuva Fellman og Ronny Brede Aase, der det står: "I vårt lille hus har det i det siste gått opp og ned. Opp, fordi vi venter spent på vårt andre barn. Ned, fordi Tuva har fått påvist brystkreft i løpet av svangerskapet og er i behandling. Det er mye på en gang, men vi har heldigvis hverandre, nydelige folk rundt oss og et helt fantastisk helsevesen. Det føles vanskelig, rart og befriende å dele. For livet fremover blir en surrealistisk blanding av hverdag, småbarnsliv og behandling. Og det skal vi, på en eller annen måte, få til"

Innlegget ekteparet la ut på Instagram onsdag kveld.

Foto: Skjermdump / Instagram

Vidare legg dei til at det både er vanskeleg, rart og frigjerande å dela informasjonen.

– Livet framover blir ei surrealistisk blanding av kvardag, småbarnsliv og behandling. Og det skal me, på ein eller anna måte, få til, skriv dei avslutningsvis.

Fellman er mellom anna kjend som programleiar i TV-serien Naked Attraction og Love IRL på TVNorge, og har tidlegare jobba i NRK P3. Ronny Brede Aase har tidlegare vore programleiar i P3morgen på NRK P3 og i NRK-serien «Eit feitt liv».

Kulturstrøm

  • «Underholdende, dog noe underveldende debut»

    – Albumets tittel og gjennomgående tematikk handler om forhold som visner bort. Selv om man som lytter ikke sitter igjen med en klar følelse av hvilke forhold det hintes til, er det ingen tvil om at Blackie ser på disse bruddene som høyst nødvendige, skriver NRK P3-kritiker Even Samir Kaushik i sin anmeldelse av debutalbumet til Blackie.