Michael Douglas er tilbake som den legendariske finansakrobaten Gordon Gekko i oppføljaren «Wall Street 2: Money Never Sleeps».
Den kreftsjuke skodespelaren starta med strålebehandling og cellegiftskur 24. august. I natt var han på premierefest i New York.
65-åringen fortel at det tar på.
Sliten og sår i munnen
– Svulsten minkar, men metoden som blir brukt for å ta han bort, tærer på kreftene, seier Douglas til svenske Aftonbladet.
Han kan ikkje ta til seg anna næring enn det han får i seg av flytande. Kiloane rasar av.
– Eg blir fort sliten og får sår i munnen, seier Douglas.
Medan Gordon Gekko gjer seg klar til kinopremiere i Noreg 24. september, et skodespelaren suppe og les bøker heime.
Vil ikkje overskygge filmen
– Eg trur det er bra å vere åleine medan eg ventar på å bli frisk. Eg les mange bøker og høyrer på musikk.
– Vi hadde planlagt ein stor utanlandsturné, men det var før eg fekk diagnosen, seier Douglas.
For at ikkje filmen skulle kome i skuggen av sjukdommen hans, gjekk han for nokre veker sidan ut og fortalte om kreften.
- Les:
- Sjå: Finanseliten i kø for Gordon Gekko
Trur stress var utløysande
Douglas seier han ikkje tvilar på at livsstilen hans kan ha bidrege til sjukdommen.
– Denne spesielle typen kreft kan kome av alkohol, tobakk og sex. Men eg trur det kjem av stress. Eg har hatt eit riktig travelt år, seier han.
Douglas håpar å kome gjennom dette kjapt. Han siktar mot å spele inn filmen om Liberace saman med Matt Damon og Steven Soderberg om fire-fem månader.
– Livet testar deg iblant. Eg har alltid hatt innstillinga at eg gir alt uansett. Eg har levd hardt og spelt høgt, og håpar å kunne fortsette med det.
Feirer tinnbryllup
Douglas og kona Catherine Zeta-Jones feirer ti års bryllaupsdag i november.
– Vi snakkar mykje om det, men har ikkje bestemt noko enno. Eg ser verkeleg fram til det. Då skal eg vere frisk og tilbake frå dette.
- Les også: