Skodespelaren Anton Yelchin (27) er død

Den russiskfødde skodespelaren Anton Yelchin, kjend blant anna frå Star Trek-filmane, døydde i ei ulukke med bilen sin i San Fernadino i USA ettermiddag norsk tid.

Anton Yelchin (27) er død.

Anton Yelchin (27) vart funnen død i oppkøyrsla til huset sitt i San Fernadino i California.

Foto: Domenico Stinellis / Ap

Det er uklart kva som har skjedd, men ifølgje nettstaden TMZ, som siterer kjelder i politiet, vart han funnen død i oppkøyrsla til huset sitt i San Fernadino i California. Han skal ha vorte overkøyrd av sin eigen bil, ifølgje kjeldene.

Skodespelaren skal ha kome i klem mellom bilen og ei postkasse av murstein, som igjen var festa til ein port. Bilmotoren gjekk framleis då Yelchin vart funnen, blir det opplyst.

Anton Yelchin var fødd i Russland, men flytta til USA saman med foreldra då han var liten. Begge foreldra var profesjonelle kunstløparar.

Yelchin var rekna for å vere ei stigande stjerne i Hollywood. Han starta karrieren med roller i såkalla indiefilmar og i TV-roller, før han fekk sjansen i spenningsfilmen «Alpha Dog» og tenåringskomedien «Charlie Bartlett».

Det store gjennombrotet kom i Star Trek, der han i tre filmar har spelt Chekov. Den siste Star Trek-filmen han spelte inn, «Star Trek Beyond» har premiere i juli i år.

Kulturstrøm

  • NRK vann pris for klimaprosjekt

    NRK.no vann European Digital Media Award for prosjektet Din klimaframtid, i kategorien «beste nyheitsnettstad eller mobilteneste».

    Prosjektet gir lesarene moglegheita til å sjå kva klimaendringar som kan bli gjeldande i deira kommune, basert på norsk og internasjonal forsking.

    – «Din klimaframtid» gir lesarane ei omgjengeleg, men likevel utruleg detaljert kjelde til å forstå potensielle effektar av klimaendringar, ikkje som eit breitt eller overveldande tema, men i sine eigne lokalsamfunn, står det i grunngjevinga.

    Dommarane meiner dette er eit «forbløffande journalistisk arbeid og eit historisk dokument for landet».

  • Tar kritikk for Utøya-artikkel

    Aftenposten tar selvkritikk for en artikkel om hendelsene på Utøya-fergen MS Thorbjørn publisert i januar 2012.

    Etter terrorangrepet 22. juli 2011 ble det fremmet spekulasjoner om fergens rolle, blant annet ved at AUF-leder Eskil Pedersen flyktet.

    I en kommentar fra nyhetsredaktør Tone Tveøy Strøm-Gundersen, erkjenner avisen at saken kunne ha blitt løst på en bedre måte.

    Aftenposten beklager bruken av lekkede avhør og mangelfull kommunikasjon med de overlevende som siteres i saken, deriblant Lars Fjærli Hjetland.

    «Vi beklager at artikkelen ble løst slik, og at det har vært en tilleggsbelastning for Hjetland og andre om bord,» skriver Strøm-Gundersen.

    Flere medier, deriblant Dagens Næringsliv, har beklaget saker de hadde på trykk i kjølvannet av terrorangrepene 22. juli 2011.