Blant anna får me høyra om ein sylvskatt, arvesylvet som er om lag 60 år gamalt.
17.mai-sendingar
I den hektiske innspurten til 17.mai reiser Norge rundt til Voss. Dette er heimbygda til programleiaren, som stolt viser rundt. Han kan nok mistenkjast for å ha ein dobbelt agenda. Det eine er at han viser fram bygde som også får ein sentral plass i NRK1 sine 17.mai-sendingar. Det andre er at han steller seg i stand til den store dagen og det ærefulle oppdraget som han har fått...
Spelemann Leif Rygg og Stig Hernes. Foto: NRK
Musikktradisjonar
Voss har fostra mang ein god spelemann. Den 17.mai skal det sjølvsagt skina av nasjonalinstrumentet. Spelemannen Leif Rygg syner fram nokre av instrumenta sine. For ein skal ha litt å velja i. Den han nyttar til dans må tåla litt hardare spel enn den som blir nytta til feiringa tidlegare på dagen.
Dravlekoking på Voss. Foto: NRK
Mattradisjonar
Voss er kjent over heila landet for smalehovud og heimebrygg. Andre rettar er som små løyndomar å rekna. Som tildømes dravle. Tine produserer 10.000 liter dravle dei siste vekene fram mot 17. mai. Det aller meste av dette blir servert i djupe skåler på eit middagsbord på Voss.
Sylvtradisjonar
Sylvsmidja har ein omla 60 år lang historie. I dag er det barnebarnet til grunnleggaren – som han er kalla opp etter - som er daglig leiar. Leif Johannessen og dei 57 tilsette nyttar årlig 2 tonn med sylv i sin produksjon av syljer og knappar til 93 forskjellige bunader. Og me får sjå korleis ein hengsleknapp blir til.
Og bunaden, passar den?
Sjå Norge rundt, NRK1 fredag klokka 19.30.