- Filmen kler av Se og Hør

Fredag 12. mars har En helt vanlig dag på jobben premiere. Filmen er basert på boka med same namn, skrive av tidlegare Se og Hør-journalist Håvard Melnæs. I boka skildra han dei ufine arbeidsmetodane han brukte då han arbeidde i Se og Hør. Manuset er skrive av Erlend Loe, og i filmen heiter vekebladet Folk Flest, men metodane som vert skildra er dei same.

Spesielt forholdet mellom Håvard Melnæs (Jan Gunnar Røise) og Sven O. Høiby (Ingar Helge Gimle) er eit viktig element i filmen.

- Filmen kler av dei som vanlegvis kler av andre, seier Håvard Melnæs.

• LES ÒG: Se bildene fra Se og Hør-filmen
• LES ÒG: – 2010 blir et spennende filmår
• LES ÒG: På innsiden av sladrepressen

- Treng debatten

Då boka En helt vanlig dag på jobben kom, vekte arbeidsmetodane som vart skildra der stor debatt. Debatten førte til slutt til ei endring i Ver varsam-plakaten, dei etiske retningslinjene til journalistar og redaktørar.

Håvard Melnæs tykkjer debatten som følgde er bra og viktig.

• LES ÒG: Uenige om Se og Hør
• LES ÒG: - Se og Hør-metoder må stoppes

- Ein treng ein debatt om kjendisfokuseringa i norsk media. At vekebladet Se og Hør skriv om kjendisar er kanskje ikkje så problematisk, men når kjendisjournalistikken spreier seg som eit virus i alle redaksjonar er det eit problem.

Er med sjølv

Trass i at Jan Gunnar Røise spelar Håvard Melnæs i filmen, er også Melnæs sjølv med. Det er det manusforfattar Erlend Loe, som klarte å overtale han til.

Melnæs fortel at han grur seg til å sjå seg sjølv på film. Han har enno ikkje sett den ferdige filmen, det skal han først gjere på premieren på fredag.

- Det er rart, det er ein film om ein periode av livet mitt. Men det er også tilfredsstillande, det har vore ein lang prosess, seier Melnæs.

Uvisst kva Se og Hør synest

Korleis Se og Hør (som i filmen vert kalla Folk Flest) vil reagere på filmen er enno uvisst.

- Svært lite i filmen er fiksjon. Det er ei veldig truverdig skildring av røynda. Måten dei eigentleg arbeider på er verre, seier Melnæs.

• LES ÒG: Kosmorama fikk mail fra Haave
• LES ÒG: Melnæs og Nelvik i full krangel

Men spesielt glad for merksemda på arbeidsmetodane til vekeblada, trur ikkje den tidlegare Se og Hør-journalisten at dei vil verte.

- Se og Hør har aldri fokus på seg sjølv, dei meiner at all PR er dårleg PR. Dei kjem nok til å prøve å tie i hel filmen, men det trur eg heldigvis ikkje dei vil lukkast med.

Regissør Terje Rangnes trur at Se og Hør-journalistar og -redaktørar kjem til å kjenner seg att i filmen, men meiner at framstillinga er gjort med eit smil.

- Dersom dei kjenner seg urettferdig behandla, kan dei tenkje på korleis dei har behandla sine klientar gjennom mange år, seier Rangnes.