Hopp til innhold

– Det er med tungt hjarte vi har bestemt oss for å leggja ned Sportsrevyen

Etter over 60 år er det slutt for Sportsrevyen på NRK.

Espen Olsen Langfeldt

SLUTT: Sportsredaktør Espen Olsen Langfeldt seier det er med tungt hjarte at Sportsrevyen blir lagt ned.

Foto: Christian Breidlid / NRK

– Gjennom over 60 år har Sportsrevyen betydd enormt mykje for NRK, og for store delar av Noregs befolkning, seier sportsredaktør i NRK Espen Olsen Langfeldt.

– Vi er veldig stolte av historia til programmet og alt vi har vore med på å skapa av uforgløymelege idrettsaugeblikk gjennom fleire tiår, legg sportsredaktøren til.

Historisk

Sportsprogrammet har vore vist på TV-skjermen kvar veke sidan 1960 og er ei oppsummering av kva som har skjedd på idrettsfronten, hovudsakleg i Noreg.

Programmet blir vist søndagskveldar på NRK1 og varar vanlegvis rundt ein halvtime.

Sportsrevyen er eitt av dei eldste eksisterande TV-programma på NRK.

Den første sendinga som gjekk av stabelen 18. september i 1960 hadde Jarle Høysæter og Oddvar Foss som programleiarar.

Etter den tid har fleire kjende namn leia det historiske programmet. Blant dei Arne Scheie, Per Ståle Lønning, Karen-Marie Ellefsen, Dag Erik Pedersen og Ida Nysæter Rasch.

Espen Olsen Langfeldt

Sportsredaktøren forsikrar at det gode innhaldet i Sportsrevyen skal leva vidare.

Foto: Christian Breidlid / NRK

– Med tungt hjarte

Espen Olsen Langfeldt fortel at NRK grunna strammare økonomiske rammer er nøydde til å kutta i alle divisjonar og innhaldsmiljø.

– Difor er det med tungt hjarte at vi har bestemt oss for å leggja ned Sportsrevyen, seier han.

Sportsredaktøren forsikrar likevel at det gode innhaldet i Sportsrevyen skal leva vidare.

– Vi skal framleis fortelja dei gode historiene, visa fram breidda og vera lidenskapeleg til stades på alle plattformer – på TV, radio og nett, seier han.

Kulturstrøm

  • Chile gjenåpner etterforskningen av Pablo Nerudas død

    Chile skal nok en gang forsøke å løse mysteriet rundt nasjonaldikteren Pablo Nerudas død, har en domstol i landet besluttet. Det skriver NTB.

    Neruda, som fikk nobelprisen i litteratur i 1971, døde tolv dager etter militærkuppet der landets folkevalgte president Salvador Allende ble styrtet og en militærjunta under ledelse av general Augusto Pinochet overtok makten.

    Den offisielle dødsårsaken var prostatakreft, men Nerudas sjåfør og assistent Manuel Araya fortalte mange år senere at forfatteren fikk en mistenkelig sprøyte i brystkassen rett før han døde.

  • X gjenåpner tilgang på Julia Navalnajas konto – sier det var en feil

    X har gjenåpnet tilgangen på Julia Navalnajas konto, skriver Reuters. Kontoen ble gjort utilgjengelig tidlidere tirsdag. I en uttalelse sier X at kontoen ble stengt ved at kontoen feilaktig ble merket som som spam.