–«Wonka» sparer ikke på noe og byr på et overskudd av visuell fortellerglede, mener Birger Vestmo om filmen som forteller historien om den unge Willy Wonka.
– Den norske Netflix-filmen «Så var det jul igjen» er en for tynn suppe som smører for tykt på, mener anmelder Ingvill Dybfest Dahl.
Kulturdepartementet opprettar eit årleg Jon Fosse-stipend, som skal gå til ein person som omset norsk litteratur. Det skal også haldast eit årleg Fosse-foredrag.
– Dette er gåva vår i samband med nobelprisen til Jon Fosse. Det er ein måte å heidre han på, seier kulturminister Lubna Jaffery (Ap) til NTB.
Stipendet skal delast ut av Nasjonalbiblioteket og NORLA, Senter for norsk litteratur i utlandet.
Nasjonalbiblioteket skal i tillegg vere vertskap for eit årleg foredrag som skal haldast i Fosses namn. Fosse vil vere involvert i både kven som får stipendet og kven som skal halde foredraget.
Hovudpersonen sjølv seier at han er takksam.
– At dette blir kunngjort midt i nobelveka, gjer sjølvsagt denne endå viktigare både for meg og for norsk litteratur, skriv Jon Fosse i ein kommentar til NTB.
Det første foredraget og utdelinga av første stipendet skjer i 2024. Det er enno ikkje vedteke når på året det skal skje eller kva summen på stipendet blir.
