Hopp til innhold

Ny sesong av «Hjerte til hjerte»: – Kan nesten ikkje vente

Den populære humorserien med Linn Skåber i hovudrolla får ein tredje sesong.

Linn Skåber

Linn Skåber er klar for å spele inn ein forvrengt versjon av seg sjølv i serien «Hjerte til hjerte»

Foto: Javier Auris

Serien «Hjerte til hjerte» med komikar Linn Skåber i front, vart ein braksuksess da fyrste sesong kom i 2007.

Andre sesongen kom i 2010. Og nå er det altså klart for eit tredje gjensyn med Linn Skåber som spelar seg sjølv.

– Eg gler meg til å lage ein ny sesong av «Hjerte til hjerte». Eg kan nesten ikkje vente med å kome i gang og få vekka liv i karakteren Linn. Eg har snakka med ho. Ho er framleis den same grenselause, optimistiske og seigliva Linn, fortel Linn Skåber.

Hjerte til hjerte - Spelet Stemningsbilde sesong NRK TV

I sesong to av «Hjerte til hjerte» får Skåber ein rolle i Maridalsspillet. Her saman med Jon Øigarden, Gard B. Eidsvold og Janne Formoe.

Foto: Anne Liv Ekroll / Anne Liv Ekroll, NRK

Mange har etterspurt ny sesong

I begge sesongane bruker Linn Skåber seg sjølv som hovudkarakter, og vi blir kjent med ein noko meir sjølvopptatt og aspirerande person som er villig til å gjere det meste for å vinne merksemda.

Denne sjangeren, der skodespelaren spelar ein verre utgåve av seg sjølv i eit dokumentarisk format, var ny i Noreg da den kom ut.

Og vart veldig populær.

– Det er mange som har tatt kontakt og spurt om vi ikkje kunne lage ein ny sesong, men det har ikkje kjentest riktig før. Men nå har vi ein idé som passar godt i tida og som vi har trua på. Eg trur verda er klar for ei ny runde «Hjerte til hjerte», legg Skåber til.

Hjerte til hjerte s01e01

Linn Skåber og Gørild Mauseth syng i ei gravferd i sesong to.

Foto: Anne Liv Ekroll / Anne Liv Ekroll, NRK

Det kan også Christina Rezk Resar, redaksjonssjef i NRK Underholdning, bekrefte.

– «Hjerte til hjerte» har hatt så utruleg fine fans og heiagjeng heile vegen, og vi har blitt spurt mange gongar om å lage ny sesong. Det er derfor hyggeleg å seie at vi nå har funne ein ny ide som gjer det verdt å lage ny sesong, seier ho.

Resar vil ikkje røpe kva vi kan forvente oss av den neste sesongen, men:

– Vi har fått med oss same manusforfattarar og regissør som dei to føregåande, og eg kan love at det blir i tråd med det kleine og pute-TV-aktige som kjenneteiknar serien, legg ho til.

Blir flau av seg sjølv

Hausten 2022 inngjekk NRK ein arkivavtale, noko som førte til at blant anna «Hjerte til hjerte» nå kan sjåast i NRK TV.

I den forbindelse vart Linn Skåber spurd om kva ho synest var flauast med innspelinga av serien.

Sjå svaret i videoen under:

Linn Skåber ser tilbake på en scene i «Hjerte til hjerte» der hun forsøker å kysse fotball-keeper Erik Thorstvedt.

Linn Skåber ser tilbake på ei scene i «Hjerte til hjerte» der ho forsøker å kysse fotball-keeper Erik Thorstvedt.

Kulturstrøm

  • Samisk Netflix-film på topp ti i 71 land

    Loga sámegillii.

    Den samiske Netflix-filmen «Stjålet» er allerede etter få dager blitt tidenes samiske kommersielle filmsuksess.

    Filmen er på topp ti-lista over mest sette filmer i 71 land, blant annet i USA, Canada, Storbritannia, Norge og Sverige.

    Det opplyser regissør Elle Marja Eira på sin Facebook-side.

    Handlingen i thrillerfilmen er i et reindriftsmiljø i Nord-Sverige. Filmen ble sluppet internasjonalt på fredag.

    Filmen er laget etter Ann-Helén Laestadius sin kritikerroste roman «Stjålet».

    Spent gjeng på tur til førvisning av Netflix-filmen "Stjålet" i Kiruna, april 2024
    Foto: Wenche Marie Hætta / NRK
  • «Ringenes Herre» blir 15 timar lang opera

    Fantasyklassikaren «Ringenes Herre» av J.R.R. Tolkien blir opera for første gong. Det melder Sveriges Radio.

    Det er den britiske komponisten Paul Corfield Godfrey som skriv musikken. Innspelinga av musikken har allereie starta av nasjonaloperaen i Wales, og skal sleppast i 2025.

    Operaen blir delt inn i fleire framsyningar, på til saman 15 timar og 30 kapittel.

  • Kadetten avlyser også 2024-festivalen

    Festivalen Kadetten i Sandvika, som kaller seg Norges største hiphopfestival, avlyser årets utgave.

    «Det er med tungt hjerte at vi må meddele at Kadetten 2024 er avlyst», står det på festivalens Instagram-side , og gjengitt av YLTV.

    «Det er utrolig leit, vi var overbevist da vi relanserte festivalen i år at situasjonen og markedet hadde snudd – sånn ble det ikke. Kombinasjonen av vesentlig høyere priser på alt av artister i sjangeren, usikre og innstilte turnéplaner, høyere kostnader og mindre kjøpekraft blant vårt publikum gjør at vi ikke ser det mulig å gjennomføre festivalen i år», står det om årsaken til avlysningen.

    Ifølge Instagram-posten vil kjøpte billetter refunderes automatisk.

    Kadettenfestivalen ble avlyst også i 2023.

    Cezinando på Kadetten 2022
    Foto: Eskil Olaf Vestre / NRK P3