Silhuett
Den franske finansministeren Silhuett er opphavet til omgrepet silhuett. Då han levde på 1700-talet var det dyrt å få malt bilde av seg, men langt billegare å få klipt konturane av hovudforma....ein silhuett. Denne finansministeren var svært gjerrig og meinte folk burde spara...derav omgrepet silhuett fordi det var ei billig kunstform. Biletkunstnar Hjørdis Kaland silhuetterer fleire brukskunstnarar på Bryggen og programleiaren - og gjerne deg og hvis du vil.
Stein
Sigmund Ellefsen er den einaste som nå sel fisk på Bryggen. Men hans fiskar finst bare i forsteina form! Han har enormt mange ulike typar stein og fleire av dei er millionar år gamle. Her finn du også forsteina dinosauregg ! Sjølv sliper Sigmund stein til smykker, og brukar då gjerne norsk stein, som foreksempel nasjonalsteinen larvikitt. Han har stein frå heile verda, og kundane som kjem innom er også frå alle verdsdelar.
Keramikk
Elin Brudvik likar best å laga skulpturar, ho elskar kropp ! Men ikkje minst fordi ho gjennom forminga av kroppane prøver å formidla kjensler. I Norge Rundt møter du henne i arbeid med eit par - som skal bli bryllupspresang. Dei står tett inntil kvarandre, men ikkje fastare enn at skulle det bli slutt på ekteskapet, kan dei ta med seg kvar sin kropp.
Elin held til i eit 500 år gammalt steinhus, som opp gjennom åra var brukt nærast som safe for dei som heldt til i trehusa lenger framme på Bryggen. Slik tok dei vare på viktige dokument trass i bryggebrannar.
Gull og sølv
Brureparet kan også få seg ringar bak Bryggen. Gullsmed Per Vigeland held til i eitt av lokala i dei gamle trehusa. Han kan mellom anna tilby ring av kvitt gull med to små diamantar til nærare 20.000 kr.! Han likar best å laga ting spesielt tilpassa den enkelte kunden. Ønskjet som går igjen hos dei fleste kundane hans er :" har du noko fint til min kjære ?"
Barneklede
Ho har sydd klede til barn sidan ho fekk barn sjølv, Vibeke Øvstedal. Nå har ho barnebarn og syr ennå. Av og til lurer ho på om det er hobby eller jobb, for inntektene er ikkje så enorme når ho gjer alt sjølv. Favorittkunden er italienar, seier Vibeke. Dei er sååå begeistra, skryt og gestikulerer - og ringer gjerne frå Italia og bestiller meir. Ho både syr og stikkar og har nå også begynt å laga klede for vaksne kvinner. Å vera på Bryggen er topp, skryt Vibeke.
Norge Rundt fredag 28.mars kl. 19.30 på NRK 1
