Kiss klare for Norge

Etter å ha turnert USA i haust, står no Europa for tur. Søndag 7. mai står dei på scenen i Oslo spektrum.

MEXICO-ENTERTAINMENT-MUSIC-KISS

Kiss, med Paul Stanley og Gene Simmons i spissen, er klare for Norge i mai neste år.

Foto: JULIO CESAR AGUILAR / Afp

Kiss er eitt av dei ikoniske rockebanda, og er no inne i sitt femte tiår som band. Og ifølge heimesida til gruppa, er dei det bandet i USA som har vunne flest gullplater gjennom tidene.

I sommar har dei turnert i USA, og i mai er dei altså tilbake i Europa for første gong sidan 2015. Og 7. mai er det norske fans som kan glede seg til hits som «I Was Made For Loving You», «Hotter Than Hell» og «Rock and Roll All Nite».

Grunnleggarane framleis med

Kiss blei starta i New York tidleg på 1970-talet av vokalist Paul Stanley og bassist Gene Simmons. I tillegg var Peter Criss på trommer og gitarist Ace Frehley med i starten. Men på turneen neste år er det berre Stanley og Simmons som er dei einaste originalmedlemmane som er igjen.

Bandet blei lagt merke til på grunn av sminka dei brukte, og skaffa seg også raskt eit rykte som liveband med spektakulære sceneshow. Og har også spelt i Norge fleire gongar tidlegare. Sidan starten har dei gjeve ut 44 album, som har seld i meir enn 100 millionar eksemplar på verdsbasis.

Merkevarebygging

Kiss har også tent mykje pengar på å bygge opp bandet som merkevare. I tillegg til sal av musikk og bandeffektar, har dei medverka i filmar, tv-seriar og i reklamekampanjar for blant anna Google Play, Hello Kitty og Dr. Pepper.

Og i november neste år, er det klart for det sjuande Kiss Kruise, som er eit seks dagar langt cruise i Karibia der fans i Kiss Army reiser på tur med bandet.

Kiss har også inspirert fleire norske musikarar. I 2004 gjekk fleire av desse saman og laga ei supergruppe dei kalla Black Diamond Brigade for å hylle Kiss med ein coverversjon av «Black Diamond» frå 1974.

Kulturstrøm

  • Gyllenhaal + Ferrantebok = film

    Den amerikanske skuespilleren Maggie Gyllenhaal skal skrive og regissere en adaptasjon av Elena Ferrantes roman «Den dunkle dottera» (Samlaget). Det melder bok365.no. Det blir hennes debut som regissør og manusforfatter. Rollen hennes i HBO-serien «The Deuce» har inspirert henne til å ta skrittet over i registolen, sier hun.

    2018 Sundance Film Festival - "The Kindergarten Teacher" Portrai
    Foto: Taylor Jewell / AP
  • Forfatter Jan Jakob Tønseth er død.

    Jan Jakob Tønseth døde natt til fredag, melder hans forlag Cappelen Damm. Tønseth var den aller første vinneren av P2-lytternes romanpris. Den fikk han for «Et vennskap». Han fikk også Det Norske Akademis pris, Cappelenprisen, Gyldendals legat og Doblougprisen.

    For novellesamlingen «Von Aschenbachs fristelse» ble han nominert til Nordisk Råds litteraturpris.

    I diktsamlingen «Muntre dødsdikt og andre dikt» (2015) skrev han sin sykdomshistorie.

    Jan Jakob Tønseth ble 71 år gammel.

    Jan Jakob Tønseth
    Foto: Aarønæs, Lars / Lars Aarønæs