Men tjuvfiskaren skal ikkje føle seg trygg - for både Kystvakta og naboen er på krigsstien.
Høyr radioreportasjen her:
90 ulovlege teiner
- Heilt Texas! Seier Roger Hoel på KV ”Tor”. Skipssjefen i Kystvakta drog opp 90 ulovlege hummerteiner på nokre få timar fredag og laurdag.
- Mange er for tidleg ute og tek hummer lenge før sesongen startar, nokon så tidleg som midt på sommaren, seier Hoel.
Problemet er det same langs heile kysten i Sør-Norge. Og det skjer i slikt eit omfang at Roger Hoel trur mange tjuvfiskarar sel fangsten til restaurantar. Slikt er blitt avdekka før.
Naboen passar på
- Det er veldig trist at reglane ikke blir respekterte, det er jo ein grunn til at regelverket finst. Det seier ei bekymra Ann-Lisbeth Agnalt ved Havforskningsinstituttet.
Frå å vere ei stor inntektskjelde for Norge sidan 1600-talet er hummaren no havna på raudlista over norske artar som står i fare for å døy ut.
Agnalt trøstar seg med at lokale fiskarar er kjappe med å spørje henne ut når ho trekkjer opp hummar for å merke dei utanom fangstsesongen.
- Dei kjem om bord i båten, tek ein prat, og spør kva me driv på med. Dei er redde for at folk tek seg til rette, og passar på at ingen tek hummer før 1. oktober.
Ønsker tips
Roger Hoel i Kystvakta trur - og håpar tjuvfisket er på veg ned. Han har inntrykk av at fleire bryr seg no enn tidlegare:
- Når me er ute på kontrollar og snakkar med folk får me mykje positiv respons, og mange meiner det burde vore fleire kontrollar.
Veit du om nokon som tjuvfiskar?
, så får Kystvakta beskjed.
Norgesglasset NRK P1