Med rumpa bar i Berlin for norsk film

Fem menn med rumpa bar og tursekk på ryggen sprang rundt i Berlin i dag for å promotere den norske filmen "Mot naturen". – Førte til stor pressemerksemd, latter, plystring og tilrop fortel reporter.

Fem menn skapte stor oppsikt i Berlin da de løp nakne for å promotere den norske filmen «Mot naturen».

OPPSIKT: Desse fem herremennen vakte stor oppsikt under Den internasjonale filmfestivalen i Berlin. Sjå stuntet og intervju med regissør Ole Giæver her.

– Det var veldig mange pressefotografar som fekk med seg dette og det blei tatt veldig mange bilde av dei, fortel NRK sin reporter i Berlin Helga Tunheim.

Blanke messingen

Nakenstuntet skjedde i ettermiddag i samband med at «Mot naturen» blir vist på Den internasjonale filmfestivalen i Berlin. Det er Ole Giæver som er både regissør og hovudperson i spelefilmen.

– Det såg ut som folk sette pris på litt nakenløping midt oppe i all denne festivitasen, fortel han til NRK.

I nokre scener i filmen så spring hovudkarakteren rundt med rumpa bar i skogen, noko som er forklaringa bak opptrinnet i Berlin. Det er altså ein halvnaken Ole Giæver i all sin prakt som prydar reklameplakaten til filmen.

Mot naturen
Foto: Mer film AS

Utvald film

«Mot Naturen» er tatt ut til Panorama-programmet i Berlin. Det betyr at det er festivalen som har valt ut filmen for å presentere den til publikum og journalistane.

Dette er noko som kan betyr mykje for ein film ettersom festivalen i Berlin er den mest besøkte filmfestivalen i verda. Produksjonsselskapet Mer film og regissør Ole Giæver greide i alle fall å skaffe seg rikeleg med merksemd i Berlin i ettermiddag:

– Den plakaten har blitt eit aldri så lite blikkfang og ambassadør for filmen. Så då kom ideeom å gjere eit stunt ut av dette, fortel regissøren.

Produsent med slagord

SLAGORD: Produsent Maria Ekerhovd frå Mer film AS med plakatar med sitat frå filmen i gatene i Berlin under stuntet.

Foto: Helga Tunheim/NRK

Politifolk kom til

Reporter Helga Tunheim fortel at det kom fleire politifolk til, men at det endte med at dei berre lo av det heile og gjekk sin veg:

– Dei var ikkje heilt sikre på korleis dei skulle reagere, men det endte med smil og latter av stuntet, fortel reporter Tunheim.

Les også: Mot naturen tatt ut til Berlin

Les også: – Ikkje sjølvbiografisk film

Kulturstrøm

  • «Friends» 25 år

    Tror ikke «Friends» hadde blitt akseptert i dag:

    - Nei, mener Friends-forsker. Nå er det 25 år siden første episode kom ut.
  • Facebook kvitter seg med apper

    Facebook har kvittet seg med tusenvis av apper som feilaktig kan ha misbrukt brukernes personopplysninger, opplyser nettsamfunnet fredag, skriver Washington Post. Facebook startet en prosess i vår, som tiltak etter episoden med Cambridge Analytica.