Historia bak «Sommernatt ved fjorden»

«Sommernatt ved fjorden» er Ketil Bjørnstads mest kjende song, men den kunne like gjerne hamna i søppelbøtta. Les historia bak den norske sommarklassikaren.

Ketil Bjørnstad

Ketil Bjørnstad laga «Sommernatt ved fjorden» til albumet «Leve Patagonia!» i 1978. Her ser han ut på Oslofjorden frå sin eigen balkong på Nordstrand.

Foto: Fred Olav Vatne / NRK

Det er strålande sol og god fjordutsikt når eg møter Ketil Bjørnstad (63) heime på Nordstrand. Det var det også då han skreiv «Sommernatt ved fjorden» tidleg på våren 1978. Den gongen såg han ikkje ut mot Oslofjorden, men mot Hagefjorden ved Sandøya utanfor Tvedestrand.

Ideen som redda songen frå papirkorga

Bjørnstad byrja å lage tekst og melodi samtidig.

– Eg var redd for at den bevega seg for mykje, at det vart for mange akkordskifte, at den snodde seg for langt opp og ned. Eg var ikkje hundre prosent fornøgd, eg sat faktisk og tenkte: «skal eg kaste den, skal eg byrje på nytt?»

Bjørnstad hadde jobba med songen to-tre dagar, og etter ein pause i arbeidet kom ideen som redda «Sommernatt ved fjorden» frå papirkorga:

– Eg byrja på mellomspelet mellom versa. Straks eg hadde fått til det, fall det heile på plass. Då følte eg at fekk versa luft, at det ikkje vart så mange skifte heile vegen. Så eg beheldt den.

– Ein ser ikkje alltid sjølv kva som kommuniserer best

Songen var ein av 30 songar på albumet «Leve Patagonia!», som var inspirert av Kristiania-bohemen, ei gruppe politisk engasjerte kunstnarar på 1880-talet. Bjørnstad såg ikkje for seg at akkurat denne låten skulle slå godt an:

– Eg vart veldig glad i songen under innspelinga, og den gjorde inntrykk på dei første som fekk høyre den. Eg forstod nok at vi hadde fått til noko, men som opphavsmann har ein jo hjartet sitt i absolutt alt ein gjer. Ein ser ikkje alltid sjølv kva som kommuniserer best.

Men det gjekk ikkje altfor lenge før komponisten forstod at «Sommernatt ved fjorden» kom til å få ei heilt eiga stilling hos publikum:

– Året etter vart den stadig oftare spelt i Reiseradioen. Plutseleg forstod eg at den var blitt gjenkjend av mange. Det var ei stor glede, men det var ingenting eg hadde rekna med.

Hagefjorden utanfor Tvedestrand

Utsikt mot Hagefjorden utanfor Tvedestrand. Bjørnstad budde ved Hagefjorden då han skreiv «Sommernatt ved fjorden».

Foto: Camilla H. Knutsen/www.sandoya.no

– Songen lever sitt eige liv

Ketil Bjørnstad har eit varmt og godt forhold til sin største hit, men ettersom låten har komen i trettiåra kjenner han ikkje eigarskapet like sterkt lenger:

– Det er spesielt at så mange kjenner den, og brukar den i alt frå gravferd til konfirmasjon. Eg kjenner det litt som når eit barn har flytta ut og etablert seg: Eg er veldig glad i songen, men den lever sitt eige liv.

Les også: Slik var utsikta «Ut mot havet»

11. juni syng Isa Katharina Gericke «Sommernatt ved fjorden» under Ønskekonsert med KORK i Store Studio.

Kulturstrøm

  • Økning for Le monde på nett

    Den franske avisen Le Monde økte antallet digitale abonnenter med 20 prosent i 2018, melder nettstedet Digiday. Økningen kommer etter en omlegging av nettavisens forside, som viser gratis innhold og saker bak betalingsmur side om side. En reduksjon i antall artikler bak betalingsmur har også ført til flere abonnenter. Hvordan selge nettabonnement er være eller ikke være for mange aviser i dag.

  • Klassekampen frykter millionkutt

    Klassekampen frykter at de vil få mindre i pressestøtte, dersom også Dagbladet får godkjent sin søknad. Ifølge redaktør Mari Skurdal kan de miste minst fem millioner om potten holdes konstant. Dagbladet bekreftet mandag at de vil søke om støtten.

  • Norsk roman utgis på arabisk

    Rettighetene til Inger Bråtveits roman «Dette er også vatn» er solgt for oversettelse til arabisk. Det melder Oktober forlag. Det er det Kairobaserte forlaget Sefsafa Publishing som skal utgi boka. Den er en essayistisk hybridroman som handler om å være kvinne, om fødsel, død og svømming. Den kom i 2018 og var en del av det årets tendens med norske romaner om barsel.

    Forfatter Inger Bråtveit
    Foto: Siss Vik / NRK