I dag gjekk Norsk Filminstutt inn ein avtale med produksjonsselskapa 4 ½ og Paradox, som sikrar at regissørane Erik Poppe og Sara Johnsen får lage minst to filmar kvar. I tillegg får dei høve til å søkje om finansiering til ein tredje film.
– Dette er heilt fantastisk. Det gjev ei moglegheit til kontinuitet. Ei slik ordning oppfordrar til å tørre å ta sjansar, seier Erik Poppe.
Håper på løft
Erik Poppe er kjend for filmar som deUSYNLIGE, Hawaii, Oslo og Schpaa. Sara Johnsen fekk i
, og har i tillegg laga filmar som den kritikarroste Vinterkyss og Himmelstormeren.Denne typen pakkefinansiering er nytt i Noreg.
– Vi satsar tungt på to av Noregs aller beste regissørar og to produsentmiljø som over mange år har levert film av høg kvalitet. Vi håper dette kan bidra til å gje norsk film eit løft, seier avdelingsdirektør i Norsk Filminstitutt, Ivar Køhn til
.Lover spanande film
Poppe meiner at dette gjev ei moglegheit til å jobbe mykje friare, og lover at han skal utnytte pakkeavtalen til å lage spanande filmar. Han fortel at ein ofte vert ein redd for å gjere noko feil, når korleis den første filmen gjer det, avgjer om ein får støtte til neste film.
– Eg kan kanskje ikkje love eit meisterverk, men eg skal i alle fall ta rennefart, og bommar eg så bommar eg, seier Poppe til NRK.no.
Utan denne avtalen ville Poppe har vurdert å arbeide meir i Hollywood. Men han trur ikkje han kjem til å sakne Hollywood med det første.
– I Hollywood har ein så liten kontroll over det endelege resultatet.
Poppe skal lage ein film med tittelen Pornografen, som handlar om ein nakenfotograf på 1800-talet, i tillegg til ein film om den norske massemordaren i USA Belle Gunness.
Slepp administrasjon
Avtalen gjer at regissørane kan bruke mindre tid på å få prosjekt gjennom papirmølla, og dermed betre kontinuitet i arbeidet.
– Eg kjenner med privilegert som får denne mogleheita. Å lage film i Noreg er vanlegvis knytt til stor utryggleik rundt finansieringa, og om det i det heile vert noko av planane. No får vi høve til å jobbe i fred. Det vert også lettare for produsenten å få tilleggsfinansiering når vi har dette i ryggen, seier Sara Johnsen til
.Johnsen har enn så lenge to prosjekt på gong, men det er enno uvisst av kva for eitt av prosjekta som skal lagast først.
- LES ÒG:
- LES ÒG:
Nøyaktig kor stor stønaden til prosjekta vert er ikkje fastsett, men produksjonsselskapa er sikra pengar til utvikling og produksjon av filmane.
Totalt var fekk Norsk filminstitutt inn seks søknader om pakkefinansieringsavtalen, der altså Erik Poppe og Saa Johnsen var dei to som nådde heilt opp. Dei andre som søkte var Maipo/Anne Sewitsky, Norsk filmproduskjon/Hanne Larsen, 4 1/2/Pål Seltaune, 4 1/2/Marius Holst.
– Det einaste som er litt dumt, er at ikkje fleire får moglegheita, seier Erik Poppe.
- LES ÒG: