Ellen vann Den norske solistpris

Svenske Ellen Nisbeth (25) vart tildelt Den norske solistpris på 100.000 kroner etter finalekonserten i Håkonshallen i Bergen søndag kveld. – Ho får musikken til å sitre, sa juryformann og festspilldirektør Anders Beyer.

Ellen Nisbeth

Ellen Nisbeth med sin pianist Gonzalo Moreno under finalekonserten i Håkonshallen søndag kveld.

Foto: Fred Olav Vatne / NRK

Finalekonserten for Den norske solistpris er ein del av Festspillene i Bergen, og fem unge solistar frå kvart av dei nordiske landa kniva om å vinne juryens gunst søndag. Solistane har tidlegare i veka også halde kvar sin konsert på Troldhaugen.

– Å spele bratsj er verkeleg mi greie

Den svenske 25-åringen var svært glad etter å ha fått prisen:

– For ein kunstnar betyr ein slik pris svært mykje, for det gir fridom til å halde fram med det eg brenn for. Å spele bratsj er verkeleg mi greie, sa Ellen Nisbeth då ho tok imot prisen.

Ellen Nisbeth spelte i finalen mellom anna frå bratssonaten til Rebbeca Clarke, som i tillegg til å komponere også var ei av dei første kvinnene som fekk jobb i symfoniorkester.

Les: I kveld er heile orkesteret kvinner

– Eg leitar stadig etter musikk for bratsj og vart fascinert då eg oppdaga denne musikken – Clarke var kvinne, bratsjist og om lag like gammal som meg då ho skreiv den, forklarte Nisbeth etter finalen.

Nisbeth har studert ved Norges Musikkhøgskole, og vore solist med mellom andre Bergen Filharmoniske Orkester og Kringkastingsorkestret. I 2012 vann ho den svenske solistprisen.

Ellen Nisbeth

Ellen Nisbeth på scenen i Håkonshallen etter å ha blitt utropt som vinnar.

Foto: Fred Olav Vatne / NRK

– Klangfargepaletten hennar verkar uendeleg

Juryformann og festspilldirektør Anders Beyer var raus med lovorda då han presenterte juryens avgjerd:

– Vinnaren inntek scenerommet med naturleg autoritet og kunstnarisk overskot, sa han om vinnaren.

– Med sin personlegdom og si heilt særeigne stemme bergtek kunstnaren publikum. Klangfargepaletten hennar verkar å vere uendeleg.

I juryen sat også trompetaren Tine Thing Helseth, musikkritikar Camilla Lundberg og klarinettisten Hermann Stefansson.

– Det tok ikkje lang tid å bestemme seg, for alle i juryen var samde, sa Anders Beyer etter konserten.

Den norske solistpris vart delt ut for første gong i 2004. I 2012 gjekk prisen til den norske bratsjisten Eivind Holtsmark Ringstad , som vinnar av NRK-konkurranssen Virtuos. Sist prisen var open for finalistar frå heile Norden var i 2011, då den svenske cellisten Jakob Koranyi vart kåra til vinnar.

Kulturstrøm

  • Radioportrett splitter Danmark

    Radio24syv sendte sist uke et portrett av Ghita Nørby der den folkekjære skuespilleren skjeller ut journalisten helt fra starten av intervjuet. Dokumentaren har vakt oppsikt i Danmark. Journalistens instagrambilde av sine forberedelser til intervjuet fikk søndag danske mediesjefer til å spørre om konflikten var iscenesatt.

    Ghita Nørby
    Foto: Scanpix / Scanpix
  • Warner Bros.-sjef måtte gå

    Kevin Tsujihara har gått av som sjef og styreleder i det amerikanske medieselskapet Warner Brothers, melder Dagbladet. Gransking avslørte at Tsujihara hadde tilbudt seg å introdusere den britiske skuespilleren Charlotte Kirk for innflytelsesrike skikkelser i Hollywood i bytte mot sex.

  • Jack the Ripper DNA-identifisert

    Den britiske seriemorderen som herjet i London i 1888 er når blitt identifisert som Aaron Kosminski, en polsk frisør. Jack the Ripper er en av kulturens store gjennomgangsfigurer og har opptrådt i tallrike filmer, tv-serier, videospill, musikk og tegneserier.