Sykehuset Innlandet

Elverum får fødestove og barselavdeling

Styret i Helse Sør-Øst vedtok i dag at Elverum skal ha ei fødestove og ei barselavdeling – også etter at Mjøssjukehuset står ferdig. I utgangspunktet vart det foreslått eit barselhotell, men nå blir det altså ei barselavdeling inne på sjukehuset.

Det blir også ei avdeling for elektiv (planlagt) ortopedisk kirurgi og eit bevegelsessenter ved sjukehuset i Elverum.

Dette må Sjukehuset Innlandet ta med inn i planane for Mjøssjukehuset.

Styret gjorde det i dag også klart at Tynset sjukehus skal styrkast. I tida framover skal det mellom anna før til at sjukehusanlegget får nødvendig rehabilitering. Bygningane skal settast i stand, slik at det faktisk blir mogleg å vidareutvikle sjukehuset.

Stor bekymring over økonomien i Sjukehuset Innlandet

Styreleiar i Sjukehuset Innlandet er framleis svært bekymra over korleis økonomien i sjukehuset utviklar seg.

– Vi bruker pengar vi ikkje har, seier Eli Giske, til NRK. Målet er å få ein økonomi i balanse i løpet av året, men resultatet har heller forverra seg for kvar månad inn i 2024.

Etter tre månaders drift har føretaket eit negativt resultat på 28 millionar kroner, noko som er 36 millionar kroner etter budsjett.

Størst meirforbruk er det i dei to store somatiske divisjonane Hamar-Elverum og Gjøvik-Lillehammer.

Sjukehuset må få kontroll på økonomien dersom dei skal kunne gjere nye investeringar. For eksempel når det skal søkast om pengar til å bygge det nye Mjøssjukehuset.

Det gjeld også innkjøp av nytt utstyr og vedlikehald av eksisterande bygg.

Det er særleg utgiftene til bemanning som aukar. Årsaka er at det blir brukt mykje meir til overtid og innleige av arbeidskraft fordi det er vanskeleg å få fylt opp faste, ledige stillingar. Rekruttering av helsepersonell er også ei bekymring i Sjukehuset Innlandet.
T.d. i divisjon Hamar-Elverum er det 122 ledige årsverk. 30 av dei er legar, resten sjukepleiarar.

I møtet i dag bad styret om at administrasjonen intensiverer arbeidet med å få ned utgiftene med nye tiltak.

Bekymring for underskot i Sjukehuset Innlandet

Sjukehuset Innlandet hadde eit økonomisk underskot på 92 millionar kroner i fjor, og det er også underskot i januar og februar i 2024.
Styret i Sjukehuset Innlandet har i dag gått gjennom økonomien. Det er dei somatiske divisjonane Gjøvik/Lillehammer og Hamar/Elverum som bruker for mykje pengar. Det er i hovudsak meirforbruk på personell i form av vikarar og overtid. Dette fordi det har vore høgt sjukefråvær i periodar og fordi det står mange ledige stillingar. Spesielt er det innafor sjukepleie det er mangel på folk.
Ventelistene innafor somatikk har auka i fjor, og i tillegg har det vore brot på ventelistegarantien, noko som også kostar sjukehuset dyrt.

Innan psykiatrien har det ikkje vore underskot eller vorte lengre ventelister.

Eli Giske er ny leiar i Sjukehuset Innlandet. Ho seier til NRK at styret vil ha fullt fokus på økonomien framover.
– Underskotet gjer at vi ikkje får igjen pengar til viktige investeringar i bygg, utstyr og IKT, seier Giske.
Målet er å komme i pluss i løpet av året.

Norovirus på sjukehuset Lillehammer

Det er innført ekstraordinære smitteverntiltak på ein avdeling på sjukehuset i Lillehammer. Dette på grunn av norovirus, skriv avisa GD. Sjukehuset skriv i ei pressemelding at alle tilsette og pasientar blir smittetesta for å kartlegge omfanget. På medisinsk sengepost er det innført besøksrestriksjonar.

Dårlig og svimmel pasient ble sendt hjem

Sykehuset i Gjøvik skal gjennomgå sine rutiner etter en hendelse i romjula, melder avisa Hadeland.

En kvinne som var svært dårlig i forbindelse med oppkast, svimmelhet og flere besvimelser fikk beskjed om å forlate sykehuset og selv bestille drosje.

I ettertid har sykehuset ringt til henne og beklaget hendelsen.

Hun sier at hun likevel vil vurdere å sende en formell klage, slik at sykehuset kan bruke dette for å ta lærdom av episoden.