– Onkel Palle var broren til mamma. Han heiter «Ib» både i Arsenikktårnet og i den nye boka, seier forfattaren, som er aktuell med romanen Jeg har et teppe i tusen farger.
Sjå Anne B. Ragde i samtale med Hans Olav Brenner i videoen over. Heile første sending i det litterære prateprogrammet «Brenner og bøkene» ser du kl. 20.55 på NRK2 i kveld.
– Me åt onkels mat i gravferda hans
Den verkelege «Ib» var gourmetkokk og hadde maten klar til si eiga sekstiårsfeiring, då han gjekk for å ta imot systera som kom med bussen frå Oslo til Danmark.
– Han blei køyrd i hel av ein taxi i det han skulle krysse gata for å møte mamma, fortel Ragde. Ho hadde ikkje hatt råd til å reise til Danmark for å feire onkelen, men drog ned til gravferda tre dagar etter ulykka. Då var det onkelens mat som stod på menyen.
– Det var rart. Men eg frydar meg og flirer berre når eg ser bilde av han. Han hadde ikkje villa at eg skulle sitje og vere lei meg. Han var jo ein latterklump frå morgon til kveld sjølv, seier forfattaren.
Ville kaste familiealbuma i svart søppelsekk
Ragde har skrive den nye romanen for å minnast mora. Boka dreier seg om forholdet mor og dotter imellom. Eit dramatisk augeblikk i Jeg har et teppe i tusen farger oppstår då Ragde oppdagar at mora er i ferd med å kaste fleire familiealbum i ein svart søppelsekk.
– Eg tenkte at dette var nok eit mammastunt, fortel ho. Men Ragde forstod etter kvart at fotoalbuma gjorde mora melankolsk.
– Ho såg kor glad ho hadde vore, og blei deppa som om ho var tilbake etter ei fantastisk reise, seier Ragde, som eig mange forseggjorte fotoalbum. Sjølv ser ho på livet og familiebilde på ein annan måte, meiner ho.
– Eg har mange bilde av folk som er døde. Men eg blir ikkje lei meg av å sjå dei, for då er eg tilbake i augeblikket. Dei lever for meg når eg ser dei igjen. Eg er heilt motsett av mamma slik sett, seier Ragde.
- Les òg: Bokmelding av
- Les òg: Bokmelding av