TV-seriane «Vikings» og «Game of Thrones» har vore med å auka interessa for vikingane og deira kultur. Elevane som startar ved vikinglinja i Seljord skal blant anna lære å smi vikingesverd, ro og segle vikingskip og dei gamle byggeteknikkane
– Stor pågang
I tillegg så vil ein få opplæring handverk som keramikk, trearbeid, skosøm og framstilling av trekol. Rektor ved Seljord folkehøgskule, Arve Husby, fortel at linja er heilt full til hausten:
– Det er stor pågang og vi ser på søknadane at motivasjonen er veldig forskjellig. Nokon har fått interessa vekka gjennom TV-seriar og andre gjennom ønske om å lære handverk. Me kan stå for fagleg kvalitet, om TV-seriar vekker interesse er me nøgde, seier Husby.
SMI SVERD: Jeppe Nordmann Garly skal blant anna lære elevane å smi vikingsverd og knivar. I tillegg skal han lære gamal byggekunst og handverk.
Foto: Seljord FolkehøgskuleDansk viking blir lærar
Det er danske Jeppe Nordmann Garly som har fått jobben som hovudlærar på vikingelinja. Annonsen vekka oppsikt i sosiale medium og blei sett av heile 26.000 personar, ifølge nettsidene til folkehøgskulen.
– Ein kan godt sei eg er verdas første vikinglærar på ein folkehøgskule, humrar den nye læraren.
Han kjem til å ta med elevane på reise til York i England, ein by som var eit sentrum for vikingane og var kalla Jordvik. Når det kjem til TV-seriane som har skapt auka merksemd for vikinghistoria, er det ikkje alle som fell i like god smak hos læraren:
– Personleg liker eg best Game of Thrones. Vikings har mange faktuelle feil, den er full av feil, slår han fast om serien som er lausleg basert på soga om Ragnar Lodebrok.
(Saka fortset under bildet)
LANDHOGG: Dette bildet er frå 2. august og den årlege Viking-festivalen i Catoira i nordvest-Spania. Festivalen markerer og feirar vikingeraid som skjedde i denne regionen.
Foto: MIGUEL VIDAL / ReutersAuka internasjonal interesse
Vikingskipshuset på Bygdøy i Oslo melder om at dei har 20.000 fleire besøkjande så langt i år samanlikna med fjoråret. Mange av dei som kjem på museet er utanlandske turistar som har sett «Vikings» og blitt fascinert.
I Spania blei det arrangert vikingfestival i helga, der dei feira raida til nordbuarane. Tungrock-veteranane Judas Priest sin song "Halls of Valhalla" blei kåra til fjorårets beste metallsong. Sangen handlar om vikingkrigarar på tokt. Dette vitnar om ei auka internasjonal merksemd om historia og kulturen til vikingane, som hadde sine glansdagar mellom år 800 og 1000.
