PETTER STORDALEN SIN CV
Petter Anker Stordalen er født 29.november 1962 i Porsgrunn. Han vaks opp saman med mor Kari, far Knut og søskena Kjetil, Kjersti og Karen Anne.
Han gjekk på Østsiden barneskole, Kjølnes ungdomsskole og Telemark handelsgymnasium. Etter gymnaset gjekk Petter Stordalen eitt år på Norsk Kjøpmannsinnstitutt, eitt år på Norges Varehandelshøyskole og eitt år på Norges Markedshøyskole.
Stordalen starta karriera si som jordbærseljar, i samband med far Knut sin daglegvarebutikk. I 1974 blei han kåra til Norges beste jordbærseljar, i Porsgrunn Dagblad.
I 1987, som 24-åring, blei Petter Stordalen Norges yngste kjøpesenterleiar for senteret ”City Syd” i Trondheim.
5 år seinare, i 1992, vart han deleigar og administrerande direktør i Steen & Strøm. I 1996 vart det brot med makker og medeigar Stein Erik Hagen, då kjøpte Stordalen seg opp i Choice Hotels Scandinavia.
I 2010 bytte hotellkjeda namn, det nye namnet vart Nordic Choice Hotels. I denne kjeda inngår kjedenamna Comfort, Clarion, Clarion Collection, Quality, Quality resort og Nordic Hotels. I tillegg kjem hotella innan konseptet Nordic Resort.
I 2010 blei alle Choice hotella i Norden miljøsertifisert.
Petter Stordalen vant hovudprisen ”Ernst & Young Entrepreneur Of The Year” i 2010. Utdelinga fann stad i Folketeateret i Oslo den 24. november.
I januar i år fekk Nordic Choice Hotels prisen for beste arbeidsplass. Grand Travel Awards sto bak kåringa. Det var og duka for stor fest i Gøteborg i januar. Den 26. kom dagen Petter Stordalen hadde gleda seg til i over sju år. Nemleg opninga av Clarion Hotel Post. Eit stort lysshow, og ein stor fest, kor både innbyggarane og spesielt inviterte fekk ta del.
Stordalen er og eigar av Home Invest, eit av Nordens leiande investeringsselskap. Også dette selskapet har vekt på hotelldrift, i tillegg til eigendom og kapitalforvalting.
Stordalen er sjølverklert miljøinvestor. Han har, mellom ana, samarbeida med miljøorganisasjonen Neptune Network, Regnskogfondet, miljøstiftinga Zero og Dyrevernalliansen. Nyleg var Stordalen i Antarktis saman med Al Gore og hans organisasjon ”The Climate Reality Project,” der målet var å læra meir om – og finna løysingar til – klimaendringar.
Petter Stordalen har barna Emilie, på 19, Henrik, på 17, og Jacob, på 14 år, saman med ekskona Ingrid F. Stordalen. I 2010 gifta Petter Stordalen seg med Gunhild. Saman bur dei på Bygdøy i Oslo.
