New Orleans-legenden Lionel Batiste er død

Linel Batiste var tamburmajor, vokalist, spelte stortromme og var assisterande leiar for bandet Treme Brass Band. Han gjekk under namnet «Onkel Lionel».

Leiaren for bandet, Benny Jones senior, opplyser at Batiste døydde i dag, etter å ha vore sjuk i ein månad, melder nyheitsbyrået AP. Batiste er også kjend frå bandet Dirty Dozen Brass Band.

Ytre Suløens Jassensemble

Det var Ytre Suløens Jassensemble som først starta samarbeidet med Lionel Batiste i 1976. Saman med Ytre Suløen og vokalisten Tricia Bouttè gav han ut albumet «Way down yonder in New Orleans» i 2001.

Han var også med på 30-års jubileumssturneen til Ytre Suløen i 2006.

Som tamburmajor for opningsparaden i Moldejazz har han dansa gjennom gatene med blant andre statsminister Kjell Magne Bondevik, kulturministrane Valgerd Svarstad Haugland og Åse Kleveland, pluss mange andre kjendisar frå kulturlivet.

Sorg i Molde

Festivalsjef Jan Ole Otnæs i Moldejazz www.moldejazz.no/2012/ seier at bodskapen om at Lionel Batiste no har gått bort vart teken mot med sorg. Han deltok på Moldejazz første gong i 1998, og sidan har han vore eit fast innslag under opninga av festivalen.

- Vi hadde ordna med billettar til han også i år. Vi visste at han var sjuk i vinter, men fekk beskjed om at han hadde kome seg igjen. Så fekk vi ein ny beskjed for nokre veker sidan om at han hadde fått prostatakreft, og at han truleg ikkje ville kome i år. Sjukdomen var for langt framskriden, seier Otnæs til NRK.no.

- Så fekk vi beskjed om at han var blitt betre igjen, men det var truleg ein liten opptur før det var slutt, legg han til.

LES OGSÅ: Lionel (80) jazzet Molde i gang

LES OGSÅ: Jazzfesten er i gang!

- Vidareførte New Orleans-tradisjonen

Festivalsjefen seier at Lionel Batiste var ein fantastisk fyr, som vidareførte ein tradisjon frå New Orleans med stor vørdnad. Han var eigentleg trommeslagar, men også ein dyktig vokalist.

- Det var ei stor glede å ha han på Moldejazz. Han representerte New Orleans-jazzen, og sjølv om ikkje det vi satsar mest på så var han viktig for å folkeleggjere festivalen. Han var blid og hyggjeleg, og han hadde alltid tid til ein prat med folk, seier festivalsjefen.

Det kjem ikkje til å bli gjort endringar for opninga av Moldejazz i år som følgje av dødsdfallet. Så vil dei vurdere om dei skal hente inn ein annan musikar frå New Orleans til seinare festivalar.

LES OGSÅ: Moldejazz blåst i gang

LES OGSÅ: Bilder fra Moldejazz

- Ein utdøande rase

- Men det er inten tvil om at folk som Lionel er ein utdøande rase innan New Orleans-jazzen også. Alt har si tid, seier Jan Ole Otnæs.

Som ein annan New Orleans-musikar sa om Lionel Batiste:

- He is this soceity.