Kulturrådet har bestilt 500 sett av ei planlagd utgåve av Sigrid Undsets verk til 75 kroner per eksemplar. Løyvinga blir gitt som tilsegn for 2004-2007 med 187 500 kroner kvart av dei fire åra.
Sigrid Undset debuterte som forfattar i 1907 med romanen, "Fru Marta Oulie". Ascheoug forlag ønskjer å hedre Undset, den eine av Norges to Nobelprisvinnarar i litteratur, med ei oppussa utgåve av alt ho skreiv.
I perioden 2004-2007 vil forlaget publisere dei samla verka i 20 bind, med avslutning ved 100 års-jubileet for nobelprisvinnaren Sigrid Undsets debut i 1907.
Slik Undset selv skrev det
Aschehoug ønskjer å setje tekstane litterært og språkleg i samsvar med den utgåva forfattaren sist autoriserte. Ortografien vil bli noko modernisert, melder forlaget.
Utsalsprisen i bokhandel vil bli ca. 300 kroner, og bøkene blir selde enkeltvis etter kvart som dei kjem ut. Kulturrådet fordeler bøkene til folkebiblioteka i samarbeid med ABM-utvikling.