Hopp til innhold

Illudit sámegielat Disney-filbmii

Váhnen ja mánát illudit go Frozen 2-filbma almmuhuvvo davvisámegillii.

Leena Niittyvuopio-Jämsä

ILLUDIT: Elle-Máijá Niittyvuopio-Jämsä, Ingrid Niittyvuopio, Leena Niittyvuopio-Jämsä ja Harriet Niittyvuopio.

Foto: Laura Niittyvuopio

Sosiála mediat duldejedje bearjadaga go dát ođas almmuhuvvui.

– Mu mielas lea hirbmat stuorra ođas. Sámi mánát dárbbašit sihke kultuvrralaš filmmaid, muhto maiddái globála filmmaid ja TV-ráidduid sámegillii, dadjá váhnen Lena Niittyvuopio.

Disney finai diibmá sámis ohcame inspirašuvnna Frozen filmma čuovvoleapmái, ja dalle beaggigođii ahte filbma lea maid sámegillii.

Stillbilde fra Disney-filmen FROZEN, bryggen i Bergen

SÁMEGIELAT ANNA: Fargga máhttiba Hans ja Anna hállat davvisámegiela.

Foto: Disney

– In jáhkkán ahte filbma jorgaluvvo sámegillii. Lean nu giitevaš go muhtimat leat nu duođas váldán dán iežaset áššiin ahte oažžut dan ollašuvvat.

– Disney-filbma sámegillii lea duođai stuorra ášši, in sáhte govahallat ge, dadjá Niittyvuopio.

Vuosttaš filmmas ledje čielga sámi elemeantat, ja produseanta Peter Del Vecho lea máŋgii čujuhan dasa ahte sii vuoruhit vel eambbo sámegielat elemeanttat boahtte filmmas.

Disney lea ovdal jorgalan «Vaiana»-filmma sihke Tahiti-, Hawaii- ja Maori-gielaide mat maiddái leat eamiálbmotgielat. Dál lea davvisámegielagiid vuorru.

Frozen 2-filmmas lea vuosttaš čájálmas skábmamánu 27. beaivve.

Sametingspresident Aili Keskitalo

ILUS: Sámedikkepresideanta illuda go Frozen almmuhuvvo sámegillii: – Ja ONa giellajagis vel!

Foto: Ken Are Bongo

Norggabeale sámediggepresideantta Aili Keskitalo maid illuda.

– Dat lea nu somá. Mun lean nu giitevaš go mii oažžut vejolašvuođa fállat sámi mánáide dan stuorra filmma sámegillii, dadjá sámediggepresideanta.

Publisert

Film

Mer om: Film

Samisk film

Mer om: Samisk film

Filmproduksjon

Mer om: Filmproduksjon

Mer fra NRK Sápmi

Korte nyheter

  • Ođđasat - norsk

    Samisk høgskole: Mange søkere, men lærere mangler

    På Samisk høgskole merker det stor interesse for å lære seg samisk.

    Mange har søkt til samisk for nybegynnere, som kalles SÁL1 og SÁL2.

    Til sammen er det 70 søkere.

    – Vårt problem er at vi ikke har nok fagfolk som kan undervise i samisk, opplyser rektor Liv Inger Somby ved Samisk høgskole.

    Hun forteller at skolen nå jobber knallhardt strategisk for å finne folk som kan jobbe hos dem og undervise nybegynnere i samisk.

    – Hvis vi lykkes å få en eller to lærere, kan vi fordoble antallet studenter. Da har vi ikke bare 15, men 30 studenter, forklarer Somby.

    Utfordringen til Samisk høgskole er at det er mange som starter på masterutdanning i samisk, men mange blir ikke ferdige med utdanningen.

    – De bruker så lang tid. Derfor får vi ikke mange nok som har nok kompetanse til å undervise i høgskolen, forklarer Somby.

    Loga sámegillii

    Liv Inger Somby
    Foto: Privat
  • Ođđasat - Davvisámegillii

    Sámi allaskuvla: Olu ohcit, muhto oahpaheaddjit váilot

    Sámi allaskuvllas oidnet, ahte dál lea stuorra beroštupmi oahppat sámegiela.

    Ollugat leat ohcan sámegiela easkkaálgi kursii, man gohčodit SÁL1 ja SÁL2.

    Buohkanassii leat 70 ohcci.

    – Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.

    Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.

    – Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.

    Sámi allaskuvlla hástalus lea, ahte máŋggas álget sámegiela masterohppui, muhto máŋggas eai geargga oahpuin.

    – Dat ádjánit hui guhká. Danne eat oaččo doarvái olbmuid geain lea gelbbolašvuohta oahpahit allaskuvllas, čilge Somby.

    Les på norsk

    Liv Inger Somby
    Foto: Ođđasat / NRK
  • Ođđasat - norsk

    I dag feires kvenenes språkdag

    I dag feires kvenenes språkdag, kväänin kielipäivä, i hele landet.

    Dagen markeres til minne om offisiell anerkjennelse av det kvenske språket den 26. april i 2005.

    Loga sámegillii

    Kvenflagget
    Foto: Arne Ivar Johnsen / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen