"Døgnvillfestivalen" lágiduvvo Tromssa gávpogis borgemánu 29. ja 30. beaivve.
Dál leat riemut lihkostuvvan oažžut máilmmi dovddumus punkjoavkku Sex Pistols boahtit Tromsii čuojahit. Sex Pistols lea dat punkjoavku mii eanemusat lea váikkuhan láhkásaš čuojaheaddjiid máilmmis.
Álggahedje punklihkadusa
Sex Pistols lea brihttalaš punkjoavku mii ásahuvvui ásahuvvui Londonis jagis 1975. Joavkkus ledje álggus lávlu Johnny Rotten, gitárista Steve Jones, rumbbuidčuojaheaddji Paul Cook ja bássačuojaheaddji Glen Matlock.Su sadjái bođii fargga Sid Vicious.
Joavku bisttii golbma jagi ja buvttadii njeallje siŋŋela ja ovtta studioskearru, namalassii "Never Mind the Bollocks, Here's the Sex Pistols". BBC gohčodan joavkku "Stuorámus eaŋgalas punkrockjoavkun".
Ovddit heave go Sex Pistols finai Norggas, de dagahii sin gallestallan ahte punk-bárru álggahuvvui Norggas.
Jagiin 2002, 2003 ja 2007 Sex Pistols doalai nugohčoduvvon "reunion" čuojahanmátkiid.
Stuorra namat
"Døgnvillfestivalen" lea dán jagi riemuide nagadan oažžut máŋga stuorra nama, sihke ovddeš- ja dálááigge násttiid.
Dás namuhan 50 Cent, Travis, Samantha Fox, Limahl, Madcon ja Kaizers Orchestra.
Loga maiddái: