Hopp til innhold

Sámi girjjálašvuohta oidnogoahtá olgoriikkas

Sámi girječállit leat fuomášan ahte olgoriikalaččat, nugo fránskalaččat, áinnas logašedje sámi girjjálašvuođas.

Karen Anna Buljo

Sámi Girječálliid searvvi jođiheaddji, Karen Anne Buljo lohka searvvis váilut ruhta jorgalahttit sámegielat girjjiid eará gielaide.

Foto: Bjørnar Johansen

Muhto de ii leat sámi girječálliin ruhta jorgalahttit girjjiid olgoriikagielaide. Norgga sámediggeráđđi lohká iežaset bargamin áššiin.

Sámi girječálliidsearvvi jođiheaddji Karen Anne Buljo muitala iežaset fuomášan ahte fránskalaččat áinnas logašedje girjjiid maid sápmelaččat leat ieža čállán.

Salon du Livre logo

Buljo muitala ahte dalle go sii ledje Salon De Livre - girjemeassuin Frankriikkas 2011:s, dalle fuomášedje fránskalaččat ahte sápmelaččat ieža čállet girjjiid.

Dáinna movttiidedje sii ja jearadedje ahte eai go sámit jorgalahttášii iežaset čáppagirjjálašvuođas maiddái fránskagillii.

Ledje jorgalahttán 1960-logu girjji fránskagillii

Girječálli Karen Anne Buljo muitala fránskalaččat ledje jorgalahttán 1960-logu girjji iežaset gillii, go háliidedje lohkat juoga mas čálle sámiid birra.

Girji lei dárogielas jorgaluvvon, muhto go fránskalaččat gulle sis ahte sápmelaččat ieža čállet, de gal movttiidedje.

Sii áinnas logašedje girjjiid maid sápmelaččat ieža lea čállán. Danne Buljo dáhtošii veahki jorgalahttit girjjiid sámegielas eará gielaide.

Sámediggeráđđi bargamin áššiin

Norgga sámediggeráđđelahttu Mariann Wollmann Magga lohká iežaset ráđis bargamin áššiin. Sii leat váldan oktavuođa Norla-ásahusain, dán ásahusas dat lea ovddasvástádus jorgalahttit Norgga beale girjjiid eará gielaide.

Mariann Wollmann Magga

Sámediggeráđđi Mariann Wollmann Magga lohká iežaset ságastallan Norla:ain das ahte dát ásahus maiddái galgá muitit norgga sámi girječálliid girjjiid jorgalahttit olgoriikagielaide. Ja doppe ledje miellasat dasa

Foto: Dan Robert Larsen / NRK

Dán ásahusas ledje positiiva dasa ahte álgit maiddái sámegielgirjjiid jorgalit olgoriikagielaide.

Dál ferte válljegoahtit girjjiid maid galget jorgališgoahtit olgorikagielaide, go dat galggašedje leat jorgaluvvon 2019 Frankfurtta girjemeassuide, lohká Wollmann Magga.

Publisert Oppdatert

NRK Sápmi – davvisámegillii

Mer om: NRK Sápmi – davvisámegillii

Girjjálašvuohta

Mer om: Girjjálašvuohta

Sámediggi

Mer om: Sámediggi

Mer fra NRK Sápmi

Korte nyheter

  • Ođđasat - Davvisámegillii

    Seminára sámi mánáidgirjjálašvuođa birra: – Dá lea álgu sámi mánáid girjjiide

    Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

    Girječálli Inga Ravna Eira, sámi girječálliid searvvis, lei okta dain gii čuovui seminára.

    – Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

    Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

    Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

    – Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

    Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

    – Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

    Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

    – Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

    Inga Ravna Eira
    Foto: Iŋgá Káre Márjá I. Utsi / NRK
  • Ođđasat - Davvisámegillii

    Kártadoaimmahat dohkkeha Oslove – mieđihit iežaset ádden ášši boastut

    Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

    – Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

    Kártadoaimmahat šálloša go álggos dieđihedje gildii ahte namma ii dohkkehuvvo.

    Dál álgá Oslo gielda čalmmustahttit gávpoga sámi nama.

    – Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

    Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

    Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

    Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

    Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

    Oslove-skilt på Samisk hus i Oslo.
    Foto: Mette Ballovara / NRK
  • Ådåsa - Julevsábmáj

    Fálli nåvkå varresvuohtakontrållåv

    Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

    Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

    Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

    Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

    Vihttalåk suohkana li maŋen Saminor3:n.

    Bilde av faglig leder for Saminor 3-undersøkelsen, Ann Ragnhild Broderstad, foran Saminor-bussen.
    Foto: Solveig Norberg / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen