Amanda Kernell lea åenehks filmem dorjeme mij nomme "Stoerre vaerie". Daate stoerre jååhkesjimmie, saemien filmem, daan feestivalese veeljeme.
Daate støøremes deahpadimmie daan Ofelas/ Veiviser filmen mænngan.
– Joekoen luste! Dihte regissøre Amanda Kernelle håatjoe. Manne jih mov barkoe almetjh geerjene. Daate stoerre nïekedasse. Sïjhtebe hov filmem, daan stoerre feestivalesne vuesiehtidh. Luste, daan aejkien saemien filme meatan Sveerjeste. Joekoen luste aaj daejtie almetjidie mij gïeline jih maahtone viehkiehtamme.
Stoerre vaerien filme, gieries-voetem daan båarasåbpoe boelvese vuesehte. Dejtie mij fuelhkiem, saemien jieliemasseste slïejhteme jih sïebredahkesne tjaajanamme, jih dejtie mij baatseme aajmene jieleminie.
Amanda Kernell veanhta seamma tjoeperh Usaesne goh daate "Stoerre Vaerie" filme vuesehte.
Dah mij meatan daan filmesne lea Maj-Doris Rimpi, Olle Sarri, Anne Biret Somby jih Jonar Thomasson.
Vïssjeles dorjehtæjjine barkedh.
Jonar Thomasson, Raarhvihkeste meatan daan "Stoerre vaerien" filmesne. Tuhtjie luste daate filme daan Sundance feestivalese baahtseme.
– Ij leah gujhth mov rolle man stoerre. Edtjem aerpie ålmine årrodh. Naemhtie lea, daate ålma guhkiem åarjene orreme, ij leah daam sov åabpebem buarastehteme gosse jieleminie. Åadtjede mængan vuejnedh. Thomassone jeahta.
Sundance filme feestivale lea Park City Utah, Usaesne. Tsiengelen 22.b.- Goevten 1 beajjan.