(Sammendrag på norsk: Gikk du glipp av russerevyen i Hamarøy? Her får du en liten smakebit med videoer og bilder)
Svanhild Hveding la avta revya jådediddjijs.
Foto: Simon Piera Paulsen / NRKDá ájllega skåvllåoahppe Knut Hamsun joarkkaskåvlån, Hábmerin, åvddånbuktin russerevyav. Ållu dievas lij. Nav moattes gå 200 lidjin russerevya vuostasj vuosádusán.
– Mån lav nav dudálasj ja vuorbálasj! Lip nav garrasijt dájna revyajn barggam, ja lav ávon gå dal lip tjadádam, javllá avta revya jådediddjijs, Svanhild Hveding Stuorgiettes Divtasvuonan.
Russa Hábmerin dal ålov skámádi. Danen dá jahkásasj russerevyav nammadin «Skjæmmes».
Guosse bessin duola dagu gæhttjat:
- «Hábmera hotælla», bájkkálasj versjåvnnå TV-rájdos «Paradise hotel».
- Oahppij, åpadiddjij ja skåvlå dile birra.
- Lávllaga, duola dagu «Vuoksemskielo».
Ja politihkkárijs dal jáhkedahtte sierraláhkáj skámádin, gå ållo ájgev dajda adnin.
- Lågå aj:
GEHTJA: Guovtes dal fággádijga. Gut Ájluovtprinsessav vuojttá?
Heidi Kalvåg ja niejddas russeniejdav ja -oappáv gåvvidijga.
Foto: Simon Piera Paulsen / NRKOasse «Ájluovtprinsæssa» lij buoremus Heidi Kalvåga mielas, gut la politihkkár Divtasvuonan.
– Valla lij aj suohtas Divtasvuona suohkanstivras vuojnnet. Ja Hábmera suohkanstivran lij dal sierralágásj buorre ilmme, dav Divtasvuonan hæhttup gæhttjalit, tjajmát Kalvåg.
Ja ållu maŋemussaj: Gehtja dáv vehi guhkep videov politihkkárij birra Nuortta-Sálton.
Hábmera suohkanstivran vuojnnet liehket riek hávsske. Jali soajttá hæhttu javllat; ållu, ållu sierralágásj hávsskes tjåhkanime. Madi da ietjá suohkana vájvástuvvi.
GEHTJA: Dille Nuortta-Sálto suohkanijn.
