Romssa sámi viessu virggálaččat ásahuvvon

Hopp til innhold

– Dát lea historjjálaš beaivi. Viimmat lea eambbogo 30 jagi sávaldat ja prošeakta ollašuvvan. Odne mii virggálaččat ásahat Romssa Sámi viesu OS:a - Samisk Hus Tromsø AS. Dát livččii galgan dahkkot jo moatti logijagi dassái.

Nu logai sátnejođiheaddji Gunnar Wilhelmsen (Bb) rahpansártnistis.

Oamasteaddjit Romssa gielda, Sámediggi ja Romssa ja Finnmárkku fylkkasuohkan bovdejedje odne virggálaš ásahančoahkkimii.

Čoahkkin dollui Romssa ráđđeviesus.

– Munnje lea lunddolaš, ahte mii rahpat dákkár sámi viesu dáppe Romssas. Romsa lea máŋggakultuvrralaš, rabas ja fátmmasteaddji gielda, deattuha Wilhelmsen.

Hárjánan stivrrajođiheaddji

Professor ja Romssa universitehta Sámi duktama guovddáža jođiheaddji, Torjer Olsen, lea Romssa Sámi Viesu stivrrajođiheaddji.

– Munnje lea stuorra gudni nammaduvvot dán doibmii. Mus leat čeahpes olbmot stivrras. Ovttas áigut mii bargat ollašuhttit Romssa Sámi Viesu, čilge Olsen.

Stivrra bargu lea earret eará oažžut sadjái buot geavatlaš beliid, mat gusket ođđa fitnodahkii. Dasto galggašedje gávdnat heivvolaš saji gos ođđa Romssa Sámi Viessu galgá leat.

Romssa Sámi Viessu galgá leat sámi deaivvadanbáiki Romssas. Dat galgá leat mielde doaimmaheamen ja ovdánahttimin sámi dáidaga ja kulturarena Romssas čielga sámi vuoiŋŋain.

Dáppe galgá sáhttit vásihit, ovdánahttit ja boahttevaš buolvvaide viidáset fievrridit sámegiela, sámi dáidaga ja sámi kultuvrra.

Oasussearvvi badjebáza galgá geavahuvvot doaimmaide mat sohpet fitnodaga ulbmiliiguin.

Golbma oamasteaddji nammadit guhtta stivrralahtu, ja sii virgádit beaivválaš jođiheaddji ja gávdnet heivvolaš viesu doibmii.

– Ii čielggas gosa galggašii ásahuvvot

Torjer Olsen muitala NRK:ii ahte ii vel leat čielggas gosa Romssa Sámi Viessu galggašii ásahuvvot.

– Dán áššis lea ekonomiija dehálaš. Mii fertet gávdnat dakkár saji mii lea lahka gávpotguovddáža. Ferte leat dakkár báiki gosa ollugat sáhttet dádjadit. Dohko galgá leat álki beassat, čilge Olsen.

Olsen lohká, ahte Romssa Sámi Viessu álgoáiggis soaitá šaddat jođašit veahá báikkis nubbái.

– Sápmelaččat han leat árbevirolaččat johtán olu. Danne lea midjiide lunddolaš dohkkehit dákkár dili, čilge Olsen.

Sátnejođiheaddji Gunnar Wilhelmsen dovddaha, ahte Sámi Viesus ráđđevissui galggašii leat oanehis vázzingaska .

Sámi viessu Romssas

Badjel 30 jagi lea beaggán ahte Sámi viessu galgá asahuvvot Romsii.

1987
Beaggigoahtá
Romssa Sámi Searvi dahttu Sámi deaivvadanbáikki gávpogii. Sávaldat biddjo maid kultuvraplánii Romssa gielddas.
1996
Doaibmaplána asahuvvo
Juovlamánus dán jagi gieđahallá gielddastivra Romsas «Doaibmaplána sámi kultuvrra ja ealáhussii». Informašuvdnaguovddáš eamiálbmot áššiide ja Sámi kultuvraviessu namuhuvvo plánas.
2002
Ovdaprošeakta
1996 doaibmaplána vuođđun de ohccá Romssa Sámi Searvi doarjaga Romssa gielddas, ja dahket ovdaprošeavtta «Romsa internašunála eamiálbmotgávpogin».
2013
Ovttasbargošiehtaduš
Ovttasbargošiehtadus Romssa gieldda ja Sámedikki gaskka vuolláičállo. Bealit šiehtadeaba bargagoahtit ahte asahit Sámi deaivvadanbáikki Romsii.
2017
Arktálaš guovddáš
Juovlamánu 2017 almmuhuvvoi vejolaš arktálaš eamiálbmotguovddáša plánat. Evttohusas ii lean doarjja Sámi birrasis, ja danin mearriduvvoi guođđit plánaid.
2018
Bargojoavku
Gáisi giellaguovddáš ja Romssa Sámi Searvi bovdeba rabas álbmotčoahkimii. Ollu Sámi organisašuvnnat ožžo bovdejumi. Čoahkkimis mearriduvvui asahit bargojoavkku mii jođihuvvoi Gáisi giellaguovddážis.
2019
Gaskabottosaš Sámi viessu
Bargojoavku mearrida asahit gaskabottosaš Sámi viesu. Gieldastivra Romssas mearrida šiehtadišgoahtit Sámedikkin ja Romssa ja Finnmárkku filkkan vejolašvuođa asahit ovttaskas Sámi viesu Romsii.
2019/2020
Ođđa šiehtadus
Romssa ja Finnmárkku fylka ja Sámediggi dahkaba šiehtadusa, mas soabadeaba asahit Sámi viesu Romsii.
2021
Ovdaprošeakta
Ovdaprošeakta biddjo johtui Romssa Sámi Searvvis. Romsa gielda ja Sámediggi vuolláičálliba ođđa ovttasbargošiehtadusa. Sámi viessu lea guovddáš oassi šiehtadusas.
2023
Sámi viessu AS asahuvvo
Sámi viessu AS asahuvvo. Preassa lea bovdejuvvon.

Nyhetssenter Troms og Finnmark

26. april 2024 kl. 08:16
Legger Digermulen vindkraftverk på is

Finnmark Kraft og Fred. Olsen Renewables har besluttet å prioritere Laksefjorden vindkraftverk, mens arbeidet med Digermulen vindkraftverk stilles i bero.

Det melder Finnmark Kraft i en pressemelding.

– Vi retter nå fokus mot å videreutvikle Laksefjorden vindkraftverk, og dette inkluderer en tett dialog med grunneier, lokalsamfunn og andre rettighetshavere.

Prosjektet er tenkt lokalisert på halvøya mellom Eidsfjorden og Mårøyfjorden i Lebesby kommune, og har et potensial på cirka 60–65 turbiner og en total installert kapasitet på inntil 450 Megawatt.

– Vi har stor tro på at Laksefjorden vindkraftverk kan bli et verdifullt prosjekt for regionen. Prosjektet vil, ved å utnytte et areal som i stor grad allerede er regulert til vindkraftformål, gi store inntekter til Lebesby kommune, og en forbedret forsyningssikkerhet Nordkinnhalvøya.

I kø for mer vindkraft i Finnmark – nesten ingen får plass

Strømnettet i Finnmark er altfor lite til at alle som vil bygge kraftverk, kan få lov. NVE har fått melding om 21 nye vindkraftprosjekter.
Av Knut-Sverre Horn
Ođđasat - Davvisámegillii

26. april 2024 kl. 07:43
Čiekčá vuosttas geardde Sámi ovddas

Guhtta joavkku servet dán gease Conifa nissončiekčamiidda Bodåddjos.

Sámi nissonriikkajoavku lea okta favorihtain vuoitit dán gease CONIFA čiekčamiid. Sii oainnat vuite 2022 CONIFA nissončiekčamiid Indias mat ledje vuosttaš stuorát gilvvut.

Jenny Marie Mannsverk lea okta dan 18 čiekčis váldon mielde ovddastit sámi nissonriikkajoavkku dán gease.

Son ii leat ovdal čiekčan Sámi ovddas, ja lohká šaddat hui somá ja illuda dasa. – Mun lean maid hui giitevaš go dán vejolašvuođa dál oažžu, lohká Mannsverk.

Foto: Privat
Ođđasat - Davvisámegillii

26. april 2024 kl. 07:34
Buljo joatká Juoigiid searvvi jođiheaddjin

Karen Anne Buljo vuolgá ođđasit jođihit Juoigiid Searvvi. Dát searvi lea ásahuvvon 1988;is ja lea árbevirolaš juigiid várás. Sin doaibma lea ovddidit ja seailluhit árbevirolaš juoigama juoigama.

Buljo lohká leamaš miellagiddevaš jođihit searvvi ja son lea bidjan olu návccaid dasa. Kontinuitehta lei okta sivva manin son válljii joatkit.

– Álggus mun ledjen jurddašan ahte in mun joatkke, muhto fuomášedjen ahte gal mun veajan. Ulla Pirttijärvi lei nubbijođiheaddji, ja moai smiehtaime ahte moai jotke.

Ulla Pirttijärvi Länsman maiddái válljii joatkit doaimmas ja lea searvvi nubbijođiheaddji.

Foto: Marie Louise Somby