Lei Álttá biillavuoddji guhte lea filbmestan biilla mas boazu gesso biilla maŋis.
Son muitala NRK Sápmái ahte son navdá dát lea vuddjon boazu danin go lulábealde Suolovuomi guvlui lei luodda varahuvvon.
– Politiijat ožžon dieđu dáhpáhusas, ja lea Álttá Leansmánnekantuvra dahje boazopolitiijaide mearridan man ládje movt ášši galget dutkat. Dán dadjá Oarje-Finnmárkku politiijaid operašuvdnaguovddáža operašuvdnajođiheaddji, Andreas Vesterhus, lohka
Ii bisanan
– Son vujii dien biilla maŋis ja oinnii ahte das lei reahka maŋábealde ja navdá ieš ahte lei boazosápmelačča biila dadjá biilavuodji.
Biilavuodji muitala ahte son geahččalii bissehit biilla, muhto go dat ii bisánan de ii son ge das dahkan maidege.
Ieš gal dadjá ahte sutnje orui áibbas čielggas ahte lei jápmán boazu, ja lasiha ahte gal boazoeaiggát livččii sáhttán lástakássii bidjat iige goallostit biilla maŋŋai.
Biillakássas lei velá reahka.
Sáhttá ráŋggáštuvvot
Politiijat operašuvdnajođiheaddji, Andreas Vesterhus dadjá ahte biilavuoddji sáhttá ráŋggáštuvvon rihkkumis geaidnojohtolatlága, muhto lasiha ahte lea beare árrat dál dadjat mii áššis dáhpáhuvvá.
Veitrakklovens § 3: Juohkehaš galgá vánddardit jierpmálaččat ja galgá leat áicil ja várrogas vai heahti ja vahát ii čuožžil, ja vánddardit nu ahte eará johtolat ii eastaduvvo iige muosehuhttojuvvo dárbbašmeahttumiid.
Operašuvdnahoavda ii sáhte vel dadjat bohtetgo politijat dutkat ášši.
