Olbmot geat ásset dáppe orrut hui lihkolaččat, dajai prográmmajođiheaddji Dan Robert Larsen.
Unjárggas lea measta ovccis logi olbmos dadjan ahte sii háliidit orrut iežaset gielddas.
Mo oažžut eambo olbmuid gildii?
Knut Inge Store (Bargiidbellodat), Bjarne Store-Jakobsen (Sámeálbmot bellodat) ja Laila Strandbakke Smuk (Oktasašlistu) besse digaštallat ja muitalit jienasteddjiide maid sii oaivvildit iešguđetge áššiiguin.
Maid politihkkárat vástidedje gažaldahkii mo sii galget oažžut ain eambbosiid fárret gildii, beasat oaidnit videos bajábealde.
Báhtareaddjit ja gielddaovttastus
Maiddái šattai gárra diggo gaskal dáid golbmasiid go ožžo gažaldaga; áigut go eambo báhtareddjiid luoitit gildii.
Galgá go Unjárga ovttastuvvot eará gielddain? Geahča maid politihkkárat dadjet.