NRK Meny
Normal

Ovddádusbellot duolbmá sámi álbmoga

Máret Sárá oaivválda Ovddádusbellodat eallá dološ áiggis, dalle go Norggas lei garra dáruiduhttin.

Máret Sárá

Máret Sárá

Foto: Kenneth Hætta

Máret Sárá fuobmášahttá ahte dán áigge eai šat gávdno máilmmis dakkáraš mono-gielalaš ja mono- kultuvralaš stáhtat. Dán áigge leat máilmmi stáhtat dohkkehan ahte olbmot hállet iešguđetge gielaid riikkais siste. Ovddádusbellodat dáhtošii Norgga fas máhccat dološ áigái, dan áigái go Norggas vigge sápmelaččaid dáruiduhttit.

LES SAKEN PÅ NORSK

Sámi stáhtačálli váibmu čierru

Sámeáššiid stáhtačálli Raimo Valle ii loga iežas gal hirpmástuvvat Ovddádusbellodaga ságaide. Iiežas lohká hárjánan gullat dan ahte Ovddádusbellodat oaivvilda, ahte sámivuohta ja sámieallin lea dušše priváhta ovddasvástádus, iige gula eiseválddiide abanassige.

Muhto ii son gal goassige ovdal leat gullan ovttage Ovddádusbellodagas buktimin nie roavva cealkámušaid go maid Aud Martinsen buvttii dá gieskat, dan ahte sámi nuorat sorbmejit iežaset danne go sin vánhemat bággejit sin leat sápmelažžan.

Aud Martinsen ii bivdde ándagassii

Aud Martinsen ii gal loga iežas bivdit sámiin iige Sámekkis ándagassii cealkámušaidis ovddas. Son lohká Sámi Radio leat ráhkadan ášši su ságain, danne ii dárbbaš son bivdit ándagassii. Dattege lohká ahte su leat gal ceakámušat, danne váldá son dás ovddasvástádusa.