Vurdet Norgga buoremusaid SameLAN:i – NRK sádde njuolgga

– Don beasat oaidnit geat šaddet sámi buoremus speallin, dadjá livereportar Buljo.

Ivan Aleksander Buljo og Ole Danel Eira

NJUOLGGOSÁTTA: Livereporttar Ivan Aleksander Buljo (20) ja kommentáhtor Ole Danel Eira (22).

Foto: Dragan Cubrilo / NRK

(Trykk her for å lese på norsk)

Bearjadaga skábmamánu 9. beaivve álgá «SameLAN v3» ja bistá olles vahkkoloahpa.

NRK Sápmi sádde njuolgga E-valáštallamis álggus gitta lohppii. Livereporttar Ivan Aleksander Buljo (20) illuda.

– Dál beasat oaidnit makkárat LANat leat, gullat sámegiel kommentáhtoriid ja sámegiel «gaming» sisdoalu, ja maiddái oaidnit geat šaddet sámi buoremus speallin, dadjá 20-jahkásaš.

E-valáštallan lea videospeallu gilvohámis.

– Mii leat fuomášan ahte jus lea juoga mas nuorat beroštit, de lea dá dat, lohká NRK Sámi doaimmaheaddji, Ole Rune Hætta.

Sáhtát čuovvut njuolggosáddaga ja čálašit earáiguin NRK Sámi neahttaspillár siiddus ja NRK Sámi YouTube-kánala bokte.

Vurdet čuohte oasseváldi

SameLAN v3 lea dihtordeaivvadeapmi, mii lágiduvvo goalmmát háve, ja das boahtá namma «v3». Lágideaddji Sámi Gamers lea eaktodáhtolaš searvi.

Vihttalogis leat dieđihan gilvvuide, muhto sii vurdet birrasiid čuohte oasseváldi oktiibuot.

– Mun vuorddán olu buriid oaseváldiid ja dat šaddá eambbo profeššunealla go NRK sádde dan njuolgga, dadjá Sámi Gamers jođiheaddji Aslak Anders Gaino (31).

Aslak Anders Gaino

JOĐIHEADDJI: Sámi Gamers jođiheaddji Aslak Anders Gaino.

Foto: Malene Larsen Gaino / NRK

SameLANas leat 130 000 ruvnnu ovddas ruhtavuoittut maid juhket dáidda iešguđetlágan spealuide.

NRK E-valáštallanjournalista Vegard Blodstrupmoen Lien mielas lea buorre go nagodit ná stuorra doaluid lágidit.

– Oalle erenomáš go nákcejit lágidit dákkár gilvvuid, main leat nu stuorra ruhtavuoittut ahte geasuhit Norgga buoremus E-spealliid, geat maiddái leat bures lihkostuvvan riikkaidgaskasaččat, dadjá Lien.

På norsk:

Ole Danel Eira og Ivan Aleksander Buljo

DIREKTESENDING: Kommentator Ole Danel Eira (22) og livereporter Ivan Aleksander Buljo (20).

Foto: Dragan Cubrilo / NRK

NRK Sápmi inviterer seere til å følge «SameLAN vol 3» direkte.
– Her får du blant annet se hvem som blir Sápmis beste «gamere», sier livereporter.

Fredag 9. november braker det løs på Báktehárji i Kautokeino i Finnmark og varer helt til søndag.

NRK Sápmi sender direkte fra start til slutt. Livereporter Ivan Aleksander Buljo (20) gleder seg.

– Nå får du oppleve hvordan et LAN er, oppleve samiske kommentatorer og «gaming»innhold på samisk, og du får også se hvem som blir Sápmis beste spillere, sier Buljo.

E-sport er videospill i konkurranseform.

– Vi har bitt oss merke i at er det noe som engasjerer ungdom, så er det dette, sier redaktør i NRK Sápmi, Ole Rune Hætta.

Du kan følge med på direktesendingen og chatte med andre via NRK Sápmis nettspiller og via NRK Sápmis YouTube-kanal.

Venter hundre deltakere

SameLAN v3 er et datatreff som arrangeres for tredje gang, derav navnet «v3»,. Treffet arrangeres i regi av den frivillige foreningen Sámi Gamers.

Femti er påmeldt hittil, men de venter rundt hundre deltakere tilsammen.

– Jeg venter mange gode deltakere, og at NRK skal sende direkte gjør at det blir et mer profesjonelt preg over det hele, sier leder i Sámi Gamers, Aslak Anders Gaino (31).

Aslak Anders Gaino, leder Sámi Gamers

LEDER: Leder i Sámi Gamers, Aslak Anders Gaino.

Foto: Kjell Are Guttorm / NRK

Det deles ut 130 000 kroner i pengegevinster til de forskjellige spillene.

NRKs E-sportjournalist Vegard Blodstrupmoen Lien synes det er et bemerkelsesverdig arrangement.

– Det er imponerende at man klarer å sette sammen et LAN med så store premier at det trekker lag som har lyktes internasjonalt, sier Blodstrupmoen Lien.