– Ein må ha god reaksjonstid og godt utstyr, så er det eigentleg berre å køyre.
Jakob Rafoss er ein av åtte bilsportsutøvarar som er teke ut for å representere Noreg på det norske E-sportslandslaget i 2024.
Han driv med E-sporten som heiter simulator-rallycross.
Det forgår i ein simulator. Spelet er designa for å vere så nært verkelegheita som mogleg.
Rafoss fortel at det kjennest bra å få representere Noreg og at han har fått god kontakt med dei andre på laget.
Han trur vennene heime i Kvinesdal er litt misunnelege.
Trenar to timar kvar dag
Som regel går det fint for 16 åringen å kombinere E-sport med skolekvardagen.
– Men av og til blir det litt vanskeleg. Det er løp på midt på natta, seier han.
Rafoss reknar med at han bruker mellom ein og to timar føre skjermen kvar dag.
– Og så bruker eg nok litt meir tid når det nærmar seg meisterskap.
Og det gjer det nå.
Nordisk meisterskap
27. april er den nordiske meisterskapen Nordic Esports Championship 2024.
Det er eit nytt initiativ frå forbunda i Danmark, Finland, Island, Noreg og Sverige.
Meisterskapen er i Stockholm i Sverige.
Det er fem utøvarar frå kvart land som skal konkurrere om ein tittel. Blant dei er Jakob Rafoss.
Han har eitt klart mål.
– Eg liker å vinne, seier han.