Dáppe jienastat SGP 2024!
Prográmmajođiheaddjit almmuheaba juohke háve go jienasteapmi rahppo. Sáddaga oainnát don beassášlávvardaga, njukčamánu 30. beaivvi 2024 NRK1:s, SVT1:s ja Yles dii 20.15 (Norgga áigge).
Mo jienastat NRK Delta bokte
Logge sisa NRK.no:i. Don fertet leat geavaheaddji ja fertet leat loggejuvvon sisa. It don ádján ráhkadit geavaheaddjekonto, jus dus dat ii leačča ovdalaččas.
Go leat loggejuvvon sisa, de oainnát dán jagi oasseváldiid listtu. Dás sáhtát lohkat eanet sin birra.
Dárkkis ahte du mobiila doaibmá jienastettiin
Gávdnojit iešguđetlágan mobiillat, dihtorat ja neahttalohkkit. Ja válljenvejolašvuođat eai galgga leat hehttehussan jienastettiin.
Mana jienastansiidui. Oainnát go oasseváldiid?
Jo? Buorre, dalle sáhtát jienastit. Čuovo sáddaga ja jienas iežat jiellaha.
It? De sáhtát dán geahččalit:
- Dárkkis ahte du mobiila ja neahttalohkki lea ođasmahtton ođđaseamos veršuvdnii.
- Geahččal eará neahttalohkki, omd. Chrome, Safari dahje Firefox.
- Lea go dus eará dihtor, neahttalohkki dahje mobiila mas sáhtát jienastit? Dárkkis seamma ládje go dás rávvet, ja jienas.
- Ii vel meinnestuva jienastit? Váldde oktavuođa: info@nrk.no!
Goas sáhtán jienastit?
NRK Delta rahpá jienastanluŋkká maŋŋá maŋemus luođi ja de fas maŋŋel maŋemus lávlaga. Goappáge vuorus leat dus 8 minuvtta jienastit.
Dieđihuvvo čielgasit sáddaga áiggi goas lea vejolaš jienastit.
Galle jiena leat mus?
Dus lea 3 nuvttá jiena goappátge vuorus.
Manne ferten logget sisa?
Mii fertet čatnat juohke jiena sierra NRK-geavaheaddjái, vai sihkkarastit ahte bohtosat šaddet riekta.
NRK ii vurkkot dieđuid, ahte gii lea jienastan gean, muhto atnit dieđuid váruhit ahte guhtege geavaheaddji jienasta dušše golbmii goappáge vuorus.
Lea go jury?
Juoigan- ja lávlunosiin leat sierra fágajuryt, mat leat mielde mearrideame geat vuitet Sámi Grand Prix. Jury jienat dahket goalmmádasoasi bohtosiin.