Ministtarbáikki háliidit Finnmárkui
Máŋga Guovddášbellodaga báikkálaš searvvi Finnmárkkus vurdet, ahte Geir Adelsten dat válljeuvvo guolástusministtarin. Preassadieđáhusas čállet, ahte lea áigi ahte finnmárkolaš oažžu dán stáhtaráđibáikki. Sii maid čállet, ahte vurdet dakkár guolástuspolitihka ođđa ráđđehusas, mii addá birrajagáš bargobáikkiid vuotna- ja riddoservodagaide gos eai birge guolástusealáhusa haga.