NRK Meny
Normal

Marja Lisa svaale sjædta

Dan giesien Rebella Heksen orre vuesiehtimmie Nåamesjen fuelhkiepaarkesne aalka, jïh dellie åarjalesaemien dorjehtæjja Marja Lisa Thomasson Raarvihkeste meatan.

Marja Lisa Tomasson

AAVODE MEATAN ÅRRODH: Marja Lisa Thomasson tuhtjie edtja luste sjïdtedh Mikkelita speladidh.

Foto: Privat

– Dïhte buektehtæjja munnjan ringki jïh gihtji mejtie manne sïjhtim meatan årrodh, jïh hævvi dam sïjhtem, Marja Lisa Thomasson soptsetse.

Vuesiehtimmiem, Rebella Heks lea akte nïejte bijre mij tante Tarvan luvnie årroeminie, jïh akten biejjien svaalem Mikkelita råaka. Jïh dïhte lea Mikkelita mij Thomasson edtja spealadidh.

Gellie vuesiehtimmine meatan orreme

Ij daate voestes aejkien goh Marja Lisa scenesne tjåådtje, dïhte gellie vuesiehtimmine meatan orreme. Vuesiehtimmien gaavhtan 'Mon lean duhát jagi' (Giron sámi teáhter), Åarjelsamien teaterisnie, jïh mejtie datne åarjelsaemien maana-tv raajroem Laara & Læjsa vuejneme, dle Marja Lisa lea åehpies dutnjan.

Aavode spealadidh

Thomasson soptsetse Rebella Heks aerebi vuejneme jïh tuhtjie lustes vuesiehtimmie, jïh ahte aavode meatan årrodh. Mij dellie lustemes daejnie barkjojne?

– Åadtjoem stååkedh jïh gaajh 'crazy' årrodh, jïh manne tuhtjem dïhte buerie, Thomasson jeahta.

Manne leam åarjelsaepmien støøremes instajunkie

Marja Lisa Thomasson

Eejehtimmesne gosse ij leah dorjehtæjja, dle lyjhkoe guvviedidh jïh lea joe gellie kåanstevuesiehtimmieh utneme. Dïhte aaj soptseste dïhte lyjhkoe guvvieh instagramese bïejedh, jïh vuejnedh mij desnie deahpa. Jïh dan åvteste jijtjemse instajunkie gohtje.