Ii oktaga mánná galgga dárbbašit ballat ja gillat go lea ruovttus. Ruoktu galgá leat mánás oadjebas sadji, danne ii galgga oktage dohkkehit jos fuomáša ahte muhtin mánás ii leat buorrre ja oadjebas dilli ruovttus.
Mánáidsuodjalusas oažžu veahkki
Juohke vánhen diehtá ja hálida ahte su mánás galggašii leat buot buoremus dilli. Muhto jos vánhen ieš dovdá ahte ii nagat láhčit mánnái buorre dili, na de berre ieš váldit oktavuođa mánáidsuodjalusain.
Bajásgeassimis leat ráját dehálaččat
Kárášjoga mánáidsuodjalusa bargi Signe Hansen deattuha ahte lea dehálaš mánáide bidjat rájáid. Vánhen ferte máná veahkehit, ja dat ahte bidjat rájáid, dat ii leat noađđin mánnái báicce ávkin, go dalle mánná dovdá iežas árvvus atnon.
Dieđihit galgá mánáidsuodjalussii
Mánná ii galgga goassige gillát, ii dalle go lea unni, iige dallege go nuorravuhtii olle. Máná ferte geahččalit suddjet, veahkki ferte viežžat, dat lea buoret go diktit máná boahtteáiggi billašuvvat. Nu dat čilgejit mánáidsuodjalusa bargit