Hopp til innhold

– Dieđusge lean behtohallan

Oallugat leat behtohallan go Keiino ii vuoitán dán jagá loahppagilvvuid. – Mu mielas ii vuoitán buoremus lávlla, muhto nie dat lea, lohka MGP-geahčči.

Keiino skuffet etter MGP-finalen

II LEAN SIN VUORRU: Keiino ii vuoitán dán háve Melodi Grand Prixa.

Foto: NRK

Keiino gilvalii gitta lohppii Melodi Gran Prixa loahppagilvvuin, ja veahtinfitnodagat ledje einnostan sin vuoitit. Muhto dán háve ii mannan nu movt eatnasat ledje jáhkkán.

Keiino vuoittáhalai TIXai 100.000 jienain. TIX vuittii 380.033 jienain, ja Keiino bođii nubbin 281.043 jienain.

NRKa árvvoštalli čállá iežas leat behtohallan go TIX vuittii, ja son ii leat dat áidna. Oallugat leat árvádallan TIXa vuolimussii, muhto lihkká lea son gii dál galgá min ovddastit dán jagá Eurovisionis Nederlánddas.

– Son han lea Norgga pop-gonagas. Ii lean šohkka ahte vuittii. Das han leat vaikko man ollu fánsa, ja lea dál várra bajimusas iežas karriearas. Nu ahte áibbas realisttalaččat ii lean šohkka, lohka Katri Somby.

Ráhkaduvvon Eurovisionii

Somby lea musihkkaberošteaddji ja MGP-čuovvuleaddji.

Katri Somby

ILLUDII: Katri Somby lei čohkken olbmáid geahččat ja jienastit Keiino MGPa loahpagilvvuin, muhto lihkku ii bisttán guhka.

Foto: Privat

Vaikko son lei vuordán garra gilvvu TIXas, de son aŋkke ii leat duhtavaš bohtosiiguin.

– Dieđusge lean behtohallan. Mu mielas ii vuoitán buoremus lávlla. Muhto nie lea eallin, mii fertet dohkkehit dán bohtosa. Jeđđehussan munnje lea ahte Davvi-Norga attii eanemus jienaid Keiinoi. Mii leat jienastan riekta, lohka Somby.

Keiino lea buhtes Eurovisionjoavku oaivvilda Somby, ja jáhkká singuin livčče mannat buorebut dain gilvvuin go dálá vuitiin.

– Sii leat hui čielgasit ráhkaduvvon Eurovisionii. Vaikko TIX lea «Norgga stuorámus popnástti» geas leat ollu guldaleaddjit, de lean aŋkke sihkar Keiino livčče buorebut birgen Eurovisionis.

Eahpečielga teaksta

Son lea jurddahallan manne dat manai nu go manai MGP-gilvvuin, ja dovddasta gos son jáhkká Keiino hearkivuođa leat.

– Jus geahččá duođas erohusa dien guovtti lávlagis, de Keiinos lea menddo eahpečielga teaksta. Ii oktage rievtti mielde ipmirdan man birra dat lea, muhto iešalddis šuokŋa lei áibbas buorre, dadjá Somby, ja joatká:

– Olbmot leat eaŋkalat. Go boahtá ráhkisvuođa-lávlla de buohkat sáhttet identifiseret dainna.

Sus lea gal čielga jurdda mii dat livčče buoridan Keiino Monument-šuoŋa:

– Das lei veahá unnán Fred. Fred han lea dat X-fáktor.

Bohte nubbin

Go NRK jearahalle Keiino-joavkku lávvordaga gilvvuid maŋŋel, sii mieđihedje leat behtohallan.

Alexandra Rotan fra Keiino skuffet etter MGP-finalen

VÁIVI: Alexandra Rotan lei behtohallan go eai vuoitán Melodi Grand Prix 2021

Foto: NRK

– Mii measta vuittiimet, muhto dat ii mannan nu movt leimmet sávvan ja man ovddas mii leat bargan hui guhká. Muhto nu lea realitehta. Norgga álbmot háliidii ahte muhttin eará galgá ovddastit Norgga Eurovisionis, dadjá Tom Hugo Hermansen Keiino-joavkkus.

– Muhto silba ii leat nu vearrái dat ge?

– Ii leat, muhto dat dieđusge bávččagahttá go eat meinnestuvvá go leat bargan nu garrasit. Mii leimmet gergosat páhkket lávkka (Eurovisionii). Muhto olmmoš han dušše gievru dákkár vásáhusain, lohka Alexandra Rotan čieročalmmiid.

– Dađibahábut ii lean min tuvra odne, muhto eat mii dása bisán, muitala Fred Buljo.

Sii leat oainnát almmuheame ođđa lávlaga moatti vahku geahčen.

– Dát lea dušše álgu, dadjá Alexandra, ja Tom Hugo mieđiha:

– Mis lea vuordimis ođđa álgu, nu ahte mis gal manná bures.

Korte nyheter

  • Árdnaprisen 2024

    Loga sámegillii.

    Paula Susanna Rauhala vant årets Árdnapris.

    Prisen deles ut til den kandidaten som i løpet av inneværende studieår har skrevet den beste masteroppgaven med tema knyttet til urfolk og urfolks situasjon. I år var det sju oppgaver som var nominerte.

    Rauhala har skrevet en masteravhandling om runebommen til noaidien Paul-Ánde/Anders Paulsen.

    Det er UiT og Senter for samiske studier som deler ut prisen på 10 000 kr.

    Prisutdelingen skjedde på årets Riddu Riđđu festival. Prisen har blitt delt ut siden 2018.

    Paula Susanna Rauhala.
    Foto: Ida Emilie Lindseth / NRK
  • Árdna-bálkkašupmi 2024

    Les på norsk.

    Paula Susanna Rauhala vuittii dán jagáš Árdna-bálkkašumi.

    Bálkásupmi geigejuvvo dasa gii lea čállán buoremus masterbarggu mas fáddá lea eamiálbmogat ja eamiálbmogiid dilálašvuohta. Dán jagi ledje ožžon čieža evttohusa.

    Rauhala lea čállán noaiddi Paul-Ánde goavdása birra.

    Leaba UiT ja Sámi Dutkamiid Guovddáš geat juohkiba bálkkašumi. Vuoitu lea 10 000 ruvnnu.

    Bálkásupmi geigejuvvui Riddu Riđđu festiválas. Lea čihččet geardde go bálkkašupmi geigejuvvo.

    Árdnaprisen 2024
    Foto: Ida Emilie Lindseth / NRK
  • Studeanttat sihkkarastet ásodaga árabut

    – Mii vásihat ahte eanet studeanttat háliidit ohcat árabut, muitala Norgga árktalaš studeanttaidovttastusa hálddahusdirektevra, Grete Sterri Kristoffersen, NRK:i.

    Vaikko ohcciidlohku Romssas lea njiedjan, de vurdojuvvo stuora lassáneapmi ohcciin studeantaásodagaide čakčat go ollu studeanttat leat vuordimin suoidnemánu 20. b. rádjái ohcat.

    Studeantaovttastus ávžžuha studeanttaid ohcat árat vai garvet guhkes vuordináiggi čakčat.

    studentbolig dramsvegen

    Studenter sikrer seg bolig tidligere: – Vi søkte bolig et halvt år i forveien

    De største studentbyene opplever at flere vil bo i studentbolig og søker tidligere for å sikre boplass.